{ SKIP }
文:MenClub 艾力克  
POSTED ON 14 May 2024

「猿人爭霸戰」系列最新作《猿人爭霸戰:猩凶帝國(Kingdom of the Planet of the Apes)》上周於全球各地陸續上映。據最新統計數據,該片首周於北美斬獲5,850萬美元票房,高於預期嘅5,000美元,計埋海外市場7,270萬美元票房進帳,全球首周票房合計為1.31億美元,成績僅次於《沙丘瀚戰:第二章》及《功夫熊貓4》,成為今年美國開畫票房季軍,同時亦係該系列開畫票房第二高電影。

除咗票房表現強勁,《猿人爭霸戰:猩凶帝國》亦贏得唔少影評人及觀眾掌聲,目前於影評網站「Rotten Tomatoes(爛番茄)」分別獲得80%新鮮度(影評人評分)及79%影迷評分。

《猿人爭霸戰:猩凶帝國》由《移動迷宮》導演Wes Ball執導、Freya Allan主演,故事接續《猿人爭霸戰3:猩凶巨戰》,講述Caesar逝世多年後,猿人成為稱霸地球嘅物種,而人類則倒退到原始狀態。隨住猿人社會蓬勃發展,猿人內部亦出現各種派系鬥爭,其中一位名為Proximus Caesar嘅猿人就試圖扭曲Caesar嘅教義建立新帝國,並奴役其他同類及搜捕人類。另一方面,一隻親眼目睹族人被擄走嘅年輕猩猩Noa,由於唔認同Proximus Caesar嘅做法,並認為猿人與人類可以和平共存,繼而與人類少女Mae踏上一趟尋找自由嘅旅程。

資料來源:THR
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025