講咗好多年嘅中國3A動作遊戲《黑神話:悟空》將於今年8月正式推出，最近官方就再公開一條實機預告片，並同時宣布簡體中文PC版僅售268人民幣，定價比一般3A大作便宜一半！

《黑神話:悟空》由中國遊戲廠商「遊戲科學」製作，以經典文學巨著「西遊記」為背景，採用Unreal Engine 5遊戲引擎製作而成嘅魂系動作遊戲，玩家將扮演一位「天命人」，為探尋昔日傳說真相，踏上一條充滿危險與驚奇嘅西遊之路。

從最新預告片可見，玩家將操控悟空進行連場BOSS戰，戰鬥動作華麗且順暢，片尾更見到悟空準備戴上金剛圈嘅畫面，遊戲將於今年8月20日登陸 PC、PS5、Xbox Series X\S平台，簡中PC版售價為268人民幣，家機版應該會再貴少少，有興趣嘅機迷請密切留意。