{ SKIP }
文:MenClub 魏文青  
POSTED ON 27 Jun 2024

《Elden Ring》嘅大型DLC《Shawdow of the Erdtree (SOTE) 》於上週五推出後,就吸引一眾玩家重回「交界地」冒險。但由於DLC難度太高,引來唔少玩家反感,所以目前《SOTE》於Steam上嘅評價只有69%正評嘅「褒貶不一」。而開發商FromSoftware似乎亦聽到玩家們嘅抱怨,所以於昨日推出更新,更改咗DLC重要道具「幽影樹碎片」帶來嘅能力增強增幅,簡單黎講即係降低咗DLC嘅整體難度。

圖片:Bandai Namco

其實遊戲開發者宮崎英高早於DLC正式發售之前,就多次提到DLC會比本傳難度高,而且非劇情需要必打嘅Boss難度會更高,都算係打足「預防針」,但似乎DLC嘅難度依然超出玩家們嘅預計。目前《SOTE》於Steam上有約6.5萬個評價,當中約2萬個為負評,其中玩家們主要批評遊戲敵人傷害太高,「我被狗咬死了」;亦有人批評某啲Boss嘅攻擊頻率太高而且連綿不絕,令玩家只能不停閃躲,又或頂住傷害與對方「換血」,失去遊戲原本嘅「公平性」及「技術性」。

圖片:Steam

圖片:Bandai Namco官網

或者係為咗應對玩家們嘅反應,所以FromSoftware於昨日推出新1.12.2更新,改動咗DLC獨有道具「幽影樹碎片」帶來嘅能力提升。玩家收集到「幽影樹碎片」後,可以於賜福中換取「幽影樹庇佑」,亦即提升玩家於DLC地區中嘅攻擊力及減傷率。更新前嘅「幽影樹庇佑」每升一級帶來嘅攻擊力及減傷率加成大致為線性增長,但更新後除咗加成幅度有所提升,增長曲線亦變成「前急後緩」,換言之玩家於進入DLC初期所換到嘅「幽影樹庇佑」會帶來更大嘅增強,算係曲線地降低DLC嘅難度。

另外《SOTE》另人為人詬病嘅,就係PC版不時會出現卡頓、掉幀,1.12.2版本中亦確認問題可能與遊戲自動開啟光線追蹤有關,故建議玩家進入系統選單將「光線追縱」關掉。

唔使講到動畫化咁遠,相信井上老師肯繼續畫埋落去,Fans們已經心滿意足。
hobby
【動漫】《奧術》製作團隊希望將井上雄彥《浪客行》動畫化
17 Jul 2024
雖然都係叫《喋血雙雄》(The Killer),不過劇情就完全唔同晒,但同樣有白鴿。
hobby
【影視】吳宇森回歸執導!美版《喋血雙雄》公開首部預告
17 Jul 2024