事前唔被睇好，但上市後銷量超出預期嘅PlayStation Portal終於有行貨喇，大家有冇興趣先？

Sony去年年底推出全新手持遊戲裝置「PlayStation Portal」，搭載8吋1080P LCD螢幕及DualSense手掣所有按鍵及功能，主打讓玩家透過Wi-Fi串流遊玩已安裝於PS5嘅遊戲。由於裝置本身並不能獨立運行遊戲，網民起初都唔睇好呢件產品，然而PS Portal於日本、英國、美國等地正式上市後，卻引起搶購熱潮，甚至一度被炒貴至原價1倍以上。

事隔接近一年，PlayStation終於宣布港行PS Portal將於9月4日正式發售，並於8月5日起開放預購，定價為1,580港幣，有意入行嘅朋友可以到PS官網了解更多。