《死侍與狼人》自開畫後備受全球Marvel迷喜愛，最大原因莫過於片中包含大量20th Century Fox時期角色，以及多到數唔晒嘅致敬環節，讓觀眾能夠在大銀幕上重溫童年經典。上映至今兩周依然話題不斷，而導演Shawn Levy及主角Ryan Reynold亦繼續馬不停蹄接受各大傳媒訪問，分享拍攝心得及邀請演員回歸客串過程。

據導演Shawn Levy透露，團隊在開拍前曾列出多達70人嘅客串名單，當中包括Ben Affleck飾演嘅「Daredevil（夜魔俠）」，不過雙方尚未正式接觸，計劃已經胎死腹中，並唔係外界所傳嘅傾到報價階段。除此之外，名單上亦有由金像影帝Nicolas Cage飾演嘅「Ghost Rider（幽靈車神）」，Ryan Reynold承認自己確實同對方討論過，可惜最後未能成事，但就未有透露具體原因。若然能夠見到Nicolas Cage再次騎上電單車與死侍並肩作戰，相信觀眾必定會更加興奮。

截至目前，《死侍與狼人》全球累計票房已達8.52億美元，預計今個周末將正式衝突10億大關。