莫非係為咗避開2月28日推出嘅《Monster Hunter Wilds》？但再推遲就可能會遇到Switch 2同《GTA 6》㗎喇！

由Ubisoft開發，以日本戰國時代為背景嘅《刺客教條：暗影者》（Assassin's Creed Shadows）最初定於去年11月15日發售，但後來官方因為「需要更多時間改善及提升遊戲體驗」，而延期至今年2月14日推出。不過，開發團隊似乎仲未「改善好」，今日再宣布將遊戲推遲至3月20日發售。

Assassin’s Creed Shadows now releases March 20, 2025. pic.twitter.com/wTPzY0oiHy

— Assassin's Creed (@assassinscreed) January 9, 2025

Ubisoft在公告中解釋，為確保遊戲首發能帶來引人入勝嘅體驗，團隊需要額外多一個月開發時間，好好咁實現過去三個月嚟從玩家社群所收到嘅意見，承諾會提供高品質、具沉浸感嘅遊戲體驗，並持續與玩家社群密切溝通。

《刺客教條：暗影者》因為以黑人角色「彌助」作為主角，並強調對方為武士階級，自遊戲公開宣傳後便引起廣泛爭議，甚至接二連三爆出炎上事件，例如將鳥居變成村落入口、被踢爆彌助武士背景參考來源全屬假歷史、與模型商合作推出「半毀鳥居」figure等等。順帶一提，隨住Ubisoft近年深陷財務危機，多部遊戲表現又未如理想，今次《刺客教條：暗影者》嘅市場表現將成為公司能否存續嘅關鍵指標。唔知暗影者會成為Ubisoft嘅救命稻草，定還是壓死駱駝嘅最後一根稻草呢？