{ SKIP }
文:MenClub 艾力克  
POSTED ON 04 Mar 2025

憑出演《Stranger Things(怪奇物語)》「11」一角走紅、現年21歲嘅Millie Bobby Brown,近日喺社交平台上,拍片指責一直拎佢外表嚟大做文章嘅,並痛斥呢種行為如同「欺凌」,不解傳媒似乎接受唔到佢長大,並強調自己唔會因為外表、穿著以及展現自己嘅方式而感到羞恥。




近日Millie Bobby Brown(下稱MBB)為宣傳新作《The Electric State(電幻國度)》頻頻現身多個活動,一頭金色長髮全新造型引起外界熱烈討論,被唔少人指太過成熟,完全唔似21歲少女。對此,MBB今日罕有地透過Instagram拍片反擊:「我從10歲起就加入呢個行業,喺全世界嘅目光下成長。但唔知點解,有啲人似乎冇辦法接受我長大,佢哋好似希望我永遠都定格喺《怪奇物語》第一季嘅模樣,但我因為冇,就成為被攻擊嘅目標。」

《Stranger Things》

其中MBB更點名抨擊某啲傳媒,如何利用佢嘅外表大做文章、不擇手段貶低年輕女性,包括「為何Z世代(如Millie Bobby Brown)會老得咁快?- Lydia Hawken」、「Millie Bobby Brown對自己塊臉做咗咩?-John Ely」、「Millie Bobby Brown帶妹妹Ava出街遊覽LA被誤認為母女-Cassie Carpenter」以及「《Little Britain》演員Matt Lucas狠批Millie Bobby Brown新造型似產後媽媽-Bethan Edwards」等等。

《The Electric State》

MBB繼續表示:「呢啲並唔係新聞報導,而係欺凌。一班成年撰稿人花時間去剖析我塊臉、身材及選擇,呢啲行為真係令人不安。更可悲嘅係,其中有啲文章係自出女性作者手筆。大家成日都話要支持同鼓勵年輕女性,但到咗關鍵時刻,似乎更容易為點擊率而踐踏佢哋(年輕女性)。嗰啲心懷惡意嘅人,無法接受女孩子按自己嘅方式蛻變成女人。我絕對唔會因為成長而道歉,唔會壓抑自我去迎合佢哋嘅不切實際嘅期望,亦唔會為自己嘅外表、穿著以及展現自己嘅方式而感到羞恥。」最後,MBB希望呢個社會可以少啲批評:「我哋而家嘅社會,批評人好似比讚美容易得多。點解我哋第一時間嘅反應總係講啲難聽嘅說話,而唔係講啲好嘅嘢呢?如果你都有呢個問題,不妨問下自己,到底係咩令到你咁舒服?我哋一齊努力做好啲啦,唔單只係為咗我,而係為每一位年輕女孩,佢哋理應喺一個唔使驚被人冇故批評嘅環境成長。」

左:Millie Bobby Brown、右:Britney Spears

另一方面,雖然MBB向來都鍾意「成熟風格」打扮,但有小道消息指,佢今次呢個全新金髮造型,其實係為咗去爭取出演Britney Spears個人傳記電影,證明自己有能力化身為呢位流行天后。不過,消息人士就指MBB並冇成功說服Britney Spears,而且Britney Spears亦表示過自己仲未死,對於有人打算翻拍佢嘅傳記感到無奈。

隨住依家由大人到細路都電話不離手、又成日對住部電腦,越黎越多人嘅視力出現問題,甚至有唔少人已經去到唔戴眼鏡就咩都睇唔清嘅景況。對佢哋黎講,沖涼時要除低眼鏡係一件非常麻煩嘅事,但唔除又會整濕副眼鏡,又或 ...
hobby
【生活】日本推「風呂眼鏡」 防霧防燙大受好評
16 Apr 2025
迪士尼下部真人版電影《史迪仔》(Lilo Stitch)將於下月正式上映,目前業界非常睇好呢部作品嘅票房表現,預計在北美開畫頭三天即可突破一億美元票房。 iframe width="560" height="315" src="https://www.youtu ...
hobby
【影視】外媒預測真人版《史迪仔》開畫房票可破億美元!有望彌補《白雪公主》虧損?
16 Apr 2025