少子化、老齡化係唔少已發展國家近年面對嘅問題，而日本更加係問題最嚴重嘅幾個國家之一。作為旅客嘅我哋，未必能非常直觀地了解到問題對日本究竟有咩影響。不過近日有日本網民就留意到一個「愛情酒店改建成殯儀館」嘅奇特現象，似乎顯示做「送走人命」嘅生意，比起「搞出人命」嘅生意更有前途。

話說X上嘅日本網民「アメフト大家のバズ@工務店継ぐ人」（@Buzz_Footballer）發現埼玉県朝霞市嘅一棟愛情酒店，近日竟然被改建成殯儀館，呢種「由生到死」嘅反差感令佢將此事分享到網上，帖文因而吸引到超過240萬次觀看。當中留言嘅網民除咗針對「由生到死」發揮黑色幽默，例如說到「所以有生命係於呢度出生、於呢到死亡嗎？」、「比起做愛，距離死亡更靠近的國家」之外，亦有唔少人感嘆日本嘅少子化問題真係非常嚴重，而今次事件就係最直接嘅表達方式。

「街景仍然可以睇到之前嘅樣貌。感受到少子高齡化」

「所以有生命係於呢度出生、於呢到死亡嗎？」

事實上從Google 街景嘅歷史版本中，就可以發現該地址直到2022年中都仲係一間愛情酒店，到去年5月時處於改建中，所以目前嘅「家族葬リビング朝霞台」開業尚不足一年。