為咗親自完成呢項特技場面，Florence Pugh化身成麻煩「Karen」不斷寫信畀Kevin Feige，最終成功說服對方。

在《雷霆特攻隊*》再次飾演Yelena Belova嘅Florence Pugh日前接受《Fandango》訪問時透露，為咗親自從全球第二高摩天大廈「Merdeka 118」跳落街，佢不惜化身成「Karen」（意指愛無理取鬧、麻煩嘅白人婦女）瘋狂寄信畀Marvel Studios總裁Kevin Feige：「劇本原本有呢場戲，但臨近正式拍攝，劇組卻認為唔可行，覺得冇理由真係將我從世界第二高樓掉落街，事關保險手續好棘手。我當時嘅反應係：『WTF？當然要拍啦！』於事我就好似一個麻煩又無禮嘅Karen咁，瘋狂email畀Kevin Feige說服對方，表示咁做能幫助電影宣傳，又能夠令三位女性打破三項唔同嘅世界紀錄等等。」

經過Florence Pugh瘋狂爭取後，監製最終批批准親自上陣：「好啦，如果你真係想從世上第二高嘅大廈跳落去，我哋會諗方法幫你搞掂。」對此，Florence Pugh非常感謝每一位工作人員嘅協助，仲話拍個幕因為分泌得太多腎上腺素，所以返到屋企後大腦直接熄機，瞓足三小時。

從官方花絮影片可見，自認熱愛高空嘅Florence Pugh親身從Merdeka 118天台一躍而下，全程只有兩條wire綁住。雖然之後嘅跳傘場面應該係替身負責，但夠膽親自從118層樓高嘅大廈跳落去，確實勇氣可嘉。

Fandango完整訪問片段：