{ SKIP }
文:MenClub 艾力克  
POSTED ON 30 Jun 2025

唔知美國版《魷魚遊戲》會玩咩童年遊戲呢?

***注意:以下內容含《魷魚遊戲》第三季劇透***

Netflix人氣劇集《魷魚遊戲》第三季在日前正式播出,歷時4年嘅故事終於迎來大結局,但最令人意想不到嘅,當然係奧斯卡影后Cate Blanchett竟然喺劇集結尾驚喜客串!佢身穿一套黑色西裝化身為遊戲招募員(即係美版孔劉),喺洛杉磯街頭小巷同一位陌生人玩「打畫片」遊戲,並向坐在車上嘅李炳憲交換咗一個耐人尋味嘅眼神。呢一幕似乎係暗示除咗韓國之外,美國亦有「魷魚遊戲」嘅分部,為日後推出美版《魷魚遊戲》埋下伏筆。

事實上,自從《魷魚遊戲》爆紅後,一直有傳Netflix計劃開拍美版《魷魚遊戲》,而今次Cate Blanchett嘅短暫客串,更加深咗傳聞嘅可信度。據外媒《World of Reel》報導,呢部暫名為《Squid Game: America》嘅衍生劇並非單純翻拍一次原著,而係會擴展《魷魚遊戲》嘅世界觀。將由《Seven(七宗罪)》、《Fight Club(搏擊會)》名導David Fincher執導,並由英國驚悚劇集《Utopia》編劇Dennis Kelly操刀劇本﹐預計最快2025年12月正式開鏡。至於Cate Blanchett只係短暫客串,定還是會在美劇《魷魚遊戲》擔任常駐角色仲係未知之數。

雖然官方未有正式確認,但考慮到《魷魚遊戲》係Netflix嘅皇牌節目,佢哋想進一步擴展呢個IP都好合理,唔知Netflix會點樣保留原著精髓嘅同時,為觀眾帶來更多驚喜呢?各位影迷拭目以待吧。

近來兩部超級英雄電影《Superman》及《Fantastic Four: First Step》嘅票房成績都非常唔錯,前者最近更打破紀錄,成為歷史上北美票房最高嘅超人電影。不過電影嘅海外票房就頗為疲弱,可能會限制電影總票房成績。 ...
hobby
【影視】《Superman》破超人電影票房紀錄 但海外票房疲弱難進一步提升?
31 Jul 2025
Pokmon卡牌手機遊戲《Pokmon TCG Pocket》最近推出全新卡包「天與海的指引」,但其中一張卡牌「鳳王ex」因為涉嫌抄襲中國繪師嘅同人作品,引起玩家們熱烈討論。官方隨即為對此公開致歉,承認在製作過程中有所疏忽, ...
hobby
【電玩】《Pokémon TCG Pocket》卡牌「鳳王」涉嫌抄襲中國繪師 官方公開致歉:誤將參考資料當正式文件
31 Jul 2025