圖片：Telegraph

前曼城領隊柏歷堅尼雖然幫曼城歷史性首次打入歐聯四強，不過球會老早同哥迪奧拿傾掂數下季執教，工程席都係無得留低，不過柏歷堅尼份CV又點使擔心無嘢撈呢？佢話想揀一份自己真係有興趣嘅先做喎。

圖片：Liverpoolecho

＜每日郵報＞就傳季尾炒咗馬天尼斯嘅愛華頓想搵工程師執教，不過柏歷堅尼就需要認真考慮。愛華頓近年實力越嚟越強，上季無歐洲賽情況下以第十一位完成賽季絕對不能接受，報導仲講到愛華頓高層同柏帥見過面。拖肥呢兩季都飽受防守問題困擾，會唔會搵個識教防守嘅好啲呀？

圖片：Express.co.uk

不過柏歷堅尼接受＜衛報＞訪問就話自己想做一份真係有興趣嘅工作「如果我無一個真正想要嘅選擇，我會繼續等，直到有為止，可以係而家，或者等到十二月囉，休息一年都可以。」除咗愛華頓，俄超球會辛尼特都對佢有興趣，唔怪得唔怕做廢老啦。

圖片：dailymail.co.uk

柏歷堅尼仲自爆原來係佢叫曼城高層二月就公佈下季哥迪奧拿執教嘅消息，「因為哥迪奧拿話嚟英超，又話佢會去阿仙奴，又話佢去曼聯，咁傳法對當時嘅英超領隊好唔公平。我自己都有反省架，不過我又唔想用呢個作為之後成績差嘅藉口。」如果Gentlemen你係忠實讀者，小弟一早批死曼城...係工程師咁公佈一定玩死曼城，球季完咗，唔知你哋點睇呢？

李羅渣 (facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、網台節目主持、Menclub足球文章作家、演

員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達，最想成為有些少生活品味嘅偽文青。