{ SKIP }
文:MenClub 魏文青  
POSTED ON 21 Jul 2016
好,首先齋睇圖你都知呢架單車嘅靈感喺來自《Tron》,所以型就肯定係好型。但大家都知「型」同「實用」基本上係「打機」同「女朋友」,揀咗一個,另一個就唔使旨意有。偏偏呢架喺Kickstarter集資緊嘅單車就宣稱自己兩樣都有,仲話自己係來自未來嘅單車,究竟有幾巴閉呢?


首先最顯眼嘅就係兩個空心嘅車輪,呢種叫「Spokeless Wheel」嘅技術除咗可以改善車身嘅空氣力學、條軚亦唔需要充氣之外,最巴閉就係兩個轆嘅中空位置可以變成載物空間,只要加上專用嘅「餸籃」,就算踩呢架嘢去買餸都綽綽有餘!另外仲配備咗電子波箱,除咗可以於0.2秒內轉波,仲有「自動波」模式,自動調節適合波段。另外兩個車轆都裝有LED燈,亦有「Bike Lane Projector」等其他道路使用者知道你嘅存在。

另外佢仲有個電話APP,除咗識得紀錄你嘅運動數據,最巴閉嘅就係識得分你係咪出咗交通意外,然後自動聯絡有關部門求救。
https://www.youtube.com/watch?v=d3Fdo-c80wg
另外尾轆除咗可以做餸籃之外,亦可以加其他配件作不同用途,其中一個叫「Wingman」嘅配件就可以加多個BB位,咁就可以成為最型嘅老豆啦 !


咁多功能,目前喺Kickstarter上只需要贊助999歐元(約8600HKD)就可以擁有。不過就要2017年六月先出貸。如果佢到時冇走數、又冇貨不對辦,都算係幾抵買呀!
THE CYCLOTRON BIKE - Revolutionary Spokeless Smart Cycle
Netflix人氣劇集《Stranger Thing(怪奇物語)》等足3年半終於迎來最終章!一眾主角將再度集結,齊心協力誓要搵出並消滅大魔王Vecna,結束一切讓霍金斯小鎮回歸平靜。究竟結局會係點呢?今年11月正式揭曉! ...
hobby
【影視】《怪奇物語》最終季正式預告出爐!主角群齊心協力迎接最後一戰
31 Oct 2025
日本特攝劇《超級戰隊系列》歷史悠久,陪伴過好幾代人童年成長,亦捧紅過唔少演員。不過最近有報導指,由於受少子化影響,呢個走過半世紀嘅系列,將隨住現正播放嘅《No.1戰隊五獸者》完結後正式劃上句號。 ...
hobby
【影視】50年日本特攝傳奇落幕?消息指《超級戰隊》系列將於本季畫下句號
31 Oct 2025