今個星期書展，下星期就動漫展，又輪到Cosplayer出動嘅時間。Mean娜最近就為咗動漫展嘅採訪拍攝張羅Cosplay衫，發覺原來玩Cosplay花費真係好大，特別係要搵高質嘅Cos服同道具更有難度，除非自己整衫，如果唔係冇咁上下彈藥都幾難買到靚貨，睇嚟Cosplay都係有錢人嘅玩意。

不過有心就唔怕窮，泰國有隊「Lowcostcosplay」團隊，就經常以低成本惡搞Cosplay，搞笑得嚟又幾有創意，到而家已經儲到近70萬Followers，都真係幾巴閉！一齊睇下佢哋嘅Cosplay有幾爆笑啦！