任天堂留名紅白機卡片盒

文：MenClub 魏文青　　
POSTED ON 01 Dec 2016

自從「Kidult」呢個字出現咗，好多男人都唔怕話畀人知自己其實長唔大，有啲人仲當係潮流咁追，就憑近年出咗N部復刻主機你就可見一班。不過一去到職場，就算再Kidult嘅人都唔會夠膽大大聲講自己其實仲好鍾意打機。既然咁不如試下低調啲講？例如用呢個BANPRESTO出嘅卡片盒呀？

由「眼鏡廠」出嘅呢兩款「紅白機卡片盒」以紅白機嘅1P、2P手掣為設計藍本。除咗有基本嘅十字掣同AB掣，兩款嘅左上角亦分別寫上「I」同「II」。而1P掣就有Start/Select 掣，2P掣就有音量掣同咪位，同當年紅白機完全一樣。值得一提嘅係以上所講嘅所有掣位都唔係求其印上去就算，而係有造出凹凸，拎上手真係手感十足。而內籠方面就簡單得多，叫做有兩格過你分下類咁啦。

大小方面，成個卡片大概係6cm x 9cm，嚴格上唔算太大個，但正正常常嘅卡片都放得落嘅。11月23日起於日本開售，但暫時未知售價。
Bpnavi.jp