顧名思義，呢隻嘢就係蝙蝠俠同惡人「急凍人(Mr. Freeze)」合體而成。講起「急凍人」大家可能會諗起當年電影《蝙蝠俠與羅賓》入面由阿諾．舒華辛力加飾演嘅版本，不過近年嘅Arkham版本都相當唔錯，而且用紫藍色做主色睇落亦比較特別。今次呢隻由原型師「近藤整」操刀嘅「急凍蝙蝠俠」亦用上紫色做主色，加上不同嘅半透明部件，另外成隻都有模仿結霜嘅白色塗裝，真係睇落都覺得凍。

不過我最欣賞嘅就係佢件斗篷，完美地造出雪硬咗嘅感覺！果然係冇令我失望呀下！