{ SKIP }
文:MenClub 魏文青  
POSTED ON 13 Jun 2018
「Vanlife」,顧名思義即係近年於外國非常流行,以貨Van為家嘅半流浪現代遊牧民族生活方式。或者係因為要以車為家地方有限,加上漂泊無定嘅生活環境,能夠真正做到Vanlife嘅大多都係年輕情侶為主,加多隻狗已經好巴閉。但原來美國有一家六口就住喺一架改裝校巴之上,而且佢哋間「屋」——定應該叫佢哋部「車」——仲靚過好多人屋企添!
Mayes Family(或者如佢哋自稱,「Mayes Team」)係由爸爸媽媽加四個小朋友組成嘅家庭,原本係住喺美國5000平方尺嘅大宅,過住香港人恨都恨唔到嘅生活。但因為爸爸Gabriel忙於工作早出晚歸,慢慢家人之間嘅感情就越黎越差,於是下定決心作出改變。佢哋睇完一條Youtube片之後覺得Vanlife應該好適合自己,於是決定用27000英鎊買下一架美國傳統校巴,再用6個月時間將巴士內外翻新、油成白色、拆掉座椅、加裝廚房同睡房,然後舉家搬入去長住,我重申,係「長住」!

一家六口放棄舒適嘅大宅及一切不必要嘅物品,由本身居住嘅田納西州一路「遊牧」到西岸嘅加州。媽媽Debbie指以往家人都分散在不同的房間做自己嘅事,但自從搬咗入校巴「Skoolie」之後,大家就多咗一齊活動,可能係出去探索,可能係一齊聽睡前故事,家人相處嘅時間多咗,關係亦都變好。目前一家六口「定居」於加州,小朋友們亦搵到學校上緊堂,但喺真正定落黎之前,佢哋仲想去阿拉斯加或者墨西哥。

你或者會羨慕佢哋咁自由嘅生活,但我就更加佩服佢哋能夠將一架巴士改裝成一個可以用「骨緻」黎形容嘅住所。車內除咗有一個有門嘅主人睡房,仲有四張單人床,一個開放式廚房,一個浴缸以及一張可以令全家人一齊坐食飯嘅餐枱,地方唔大,但係充滿家的感覺。
themayesteam on Instagram
由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
在1994年拍攝的電影《阿甘正傳》(Forrest Gump),是無數影迷心目中的經典之作,而 Forrest Gump 在電影中穿著的 OG Cortez ,也因電影的推波助瀾之下,而成為了經典鞋款,這雙紅、白、藍配色的 OG Cortez 亦有「阿 ...
style
Forrest Gump 在《阿甘正傳》穿著過的 Nike Cortez 阿甘鞋,以天價 $57500 美元賣出!
28 Mar 2024