日本漫畫之神手塚治虫筆下作品膾炙人口，當中《鐵臂阿童木》、《怪醫黑傑克》、《藍寶石王子》等經典故事，係一眾香港市民嘅童年回憶，故事中嘅角色更係陪伴住大家一齊長大。為慶祝手塚治虫誕生90週年，朗豪坊由即日起至5月13日舉行「朗豪坊 ‧ 手塚治虫誕生90週年展」，帶大家回顧手塚老師嘅代表作。而且更有設有期間限定店，獨家發售多款手塚經典角色精品。

2.5米高吹氣阿童木坐立於展覽正中央，成為全場焦點，打卡當然唔洗講啦，企係阿童木正前方呢個低抄自拍就prefer啦。除左巨型阿童木外，緊係唔少得仲有手塚老師筆下經典作品角色，亦可以俾大家瘋狂打卡。

講到手塚老師漫畫嘅靈魂，除左老師所畫嘅角色外，當然唔少得繪畫漫畫嘅工具墨水啦。係電腦仲未普及世界嘅時候，墨水係漫畫中扮演重要角色，令手塚老師創作出一部又一部精彩著作。所以今次展覽中就展岀一個別具心思嘅一個藝術品，該藝術品利用繪畫用嘅墨水樽拼砌出兩面不一樣立體圖案。參觀者可以從不同角度，欣賞到不同由墨水樽拼砌出呢嘅圖案，呢個藝術品可以話非常有意思。

朗豪坊 ‧ 手塚治虫誕生90週年展

日期 ：即日至5月13日

時間 ：上午11時至晚上11時

地點 ：朗豪坊4樓通天廣場