最近意大利平面設計師Davide Perella以著名漫畫《遊戲王》主角「武藤遊戲」為靈感，創作出一款創意毛帽，忠實還原「遊戲」極具標誌性嘅海星髮型，浮誇嘅鋸齒狀頭髮同配色都似到十足十。不過，呢頂帽只係一件概念產品，並冇量產發售計劃，但如果真係推出，你又會唔會買嚟戴出街？

照片公開後隨即引起網民熱議，有人就留言希望可以見到《小飛俠阿童木》嘅毛帽，而Davide Perella亦回應網民訴求，隔咗一日就推出埋阿童木髮型毛帽，不如整埋小蘭隻角？