相信，大家都有參觀動物園嘅經驗，而小編當然亦去過唔少，但每次入到去，都會產生一種矛盾情緒。

在場內可以見到來自世界各地嘅珍禽異獸聚首一堂固然高興，等大家唔駛環遊世界就可以近距離接觸罕有動物，但同時間，個心又會「拿住拿住」，要一群本來生活係野外嘅動物們，共同擠身相對佢哋嚟講咁狹窄嘅空間（睇discovery channel都知啦，啲美洲豹慣咗係勁大草園奔跑，而家就要困係個小花園度，對佢哋嚟講同劏房無分別），實在有啲於心不癮，而且，亦曾經有報導話啲動物受到精神虐待，看管人經常性地拍打或搖晃動物籠，等佢哋無覺好瞓無晒精神就易於看守，真係無陰公。

攝影師Devin Mitchell就希望引起大眾對以上問題作出關注，認為尤其是美國幅員廣闊，根本有足夠空間去安置動物，但最後都送佢哋又迫又細嘅動物園。因此，由去年3月開始，Mitchell就進行一項「Faces of the wild」計劃，將人類面孔，利用digital makeup與動物臉龐混合而成，製作出一張又一張令人一見難忘嘅close-up大頭相，像真度非常高，隨後亦會書。

你會疑問，點解每個人嘅動作都係用手摭咀同一半眼呢？Mitchell係想暗示大部份在園內居住嘅動物們，都未曾親身接觸整個世界，只能夠睇到佢身邊有限嘅環境，亦無發言權利，。