AIA歐陸嘉年華今日正式開幕！相信好多巴打尋日已經見到網上消息滿天飛，太多資訊收唔切？唔怕，而家同你整個速讀版，等你快快手了解入場有咩一定要玩！另外其實今年AIA歐陸嘉年華仲有同好出名嘅「紫色牛牛」合作，想知係乜？睇埋落去啦～

由今日12月17日起至下年2016年2月21日，AIA歐陸嘉年華都會喺中環新海濱等住你，入場費方面同上年一樣︰成人$125包10個代幣，長者同小童就$90包7個代幣。另外今年仲設有29款機動遊戲，當中8款仲係首次登場！怕刺激嘅話都唔使愁，因為除咗有大人細路都啱玩嘅機動遊戲外，各大小攤位仲準備咗100萬隻毛公仔等你拎！而且仲有室外溜冰場，總有嘢適合你玩嘅！

先同大家介紹刺激系列嘅機動遊戲︰

Mach 5
1.5米高嘅Mach 5會以時速110公里不停360度旋轉，強勁嘅離心力真係睇見都驚驚！

好似進化洗衣機咁嘅Remix，除咗座位會不斷上下急降，仲會係咁旋轉，真係會轉到尋晚嗰餐都嘔埋出嚟呀！

Atmos Fear唔只會360度咁轉，就連座位都會旋轉，最得人驚係咩呀？係連個位都會自轉，即係三重轉！真係就咁睇都嚇到個心離一離呀！

呢隻海盜船睇落就冇咩特別，但其實佢仲大過海馬公園嗰個，上到最高足足有成20米，成個人打直企咁濟！

No Limit類似輕量級嘅Mach 5，不過都有成32米高，除咗公轉仲會自轉，真係唔可以睇少佢架！

話咗今年AIA歐陸嘉年華唔只有得玩，仲有Show睇，究竟係咩？就係呢隻「紫色牛牛」喇！

「紫色牛牛」其實係源自愛丁堡一個吹氣流動劇場，牛牛肚入面有近400幾個觀眾席，每日都會上演唔同嘅藝術節目。