嗱先小人後君子，你哋必須要容忍我喺標題中，用「維密」呢個簡稱黎稱呼「Victoria's Secrets(維多利亞的秘密)」呢個品牌－－因為佢個名無論中英文都實在太～長，好難放入條題到，所以大家將就下啦！不過文青深夜系列就當然唔會係同你研究「Victoria Secrets」個名究竟可以點簡化，而且引到你哋入黎嘅重點係「Pornhub」嘛！

話說一向「不務正業」嘅Pornhub，久唔久就會搞啲奇怪企劃(例如已經完全冇咗回事嘅「X到上太空」)出黎，又會發佈一下用家們嘅有趣使用習慣。近日佢哋就公佈咗邊位「Victoria's Secrets」模特兒係最受Pornhub用家「眷顧」，搜尋得最多。就算你唔識班鬼妹邊個打邊個，都可以擴闊一下自己嘅「打J圈子」嘛！

10. Marisa Miller 

於美國出世嘅Marisa Miller今年已經37歲，出道超過20年，最著名嘅演出就係《Sport Illustrated》泳裝版嘅封面女郎，以及2007年開始成為「Victoria's Secrets」嘅「天使」。於2008年曾經成為《Maxim》雜誌嘅「Hot 100」第一名，2010年就被《FHM》評為嘅「世界上最性感的女人」。

9. Chanel Iman

今年25歲嘅Chanel Iman有四份一韓國血統(媽媽係韓國同美藉非洲裔人混血兒)。13歲開始成為模特兒，之後上過Elle、Vogue等等雜誌封面，2010年開始成為「天使」。

8. Gisele Bundchen

與其話Gisele係一個「Victoria's Secrets」嘅「天使」，我覺得準確啲嘅描述係一個「成功人士」。由1994年正式成為模特兒之後，佢不單止憑漂亮面孔再加長腿而被封為性感像徵，仲由2004年開始成為《福布斯》財富榜上最富有嘅模特兒，2007年估計資產已經有7000萬。2012年更加成為身價最高嘅模特兒。而且先同Leonardo DiCaprio拍過拖、再嫁咗比超知名美式足球運動員Tom Brady。咁相比黎講2002至2006做過4年「天使」就好小事啫？

7. Candice Swanepoel

出身自南非嘅Candice係完美嘅，因為佢個花名叫做「Perfection」。你需知道人哋覺得你完美，同人哋覺得你完美到幫你改個名叫「完美」，係兩個好唔同嘅境界。Candice由15歲開始被發掘，16歲就已經搵緊4萬歐元一日，之後就憑33-23-34嘅纖腰翹臀迷倒所有男人。而且由2009年首次成為「Victoria Secrets天使」之後，就一直以「頭牌」身份出現！

6. Tyra Banks

你冇認錯，佢就係《America's Top Model》入面個黑人模特兒，而今年42歲嘅佢亦係Model界嘅大前輩。Tyra 15歲就入行，之後創下多個第一，包括第一名登上《GQ》及《Sports Illustrated》泳裝版嘅非洲裔模特兒，亦係史上第一批「天使」。

5. Gigi Hadid

今年先第一次登上「Victoria's Secrets」嘅舞台，但就已經成為榜上第四名！雖然只有20歲，但已經有18年模特兒經驗－－因為佢兩歲開始就做緊Model。雖然之後因為就學而停止模特兒工作，但到2011年又重新活動。之後就上過N本雜誌、拍過N個廣告，到今年年尾(冇錯，即係啱啱）先成為「天使」之一。我真心覺得佢好正囉！

4. Miranda Kerr

澳洲模特兒，係目前「Victora's Secrets」史上第一及唯一一位澳洲藉天使，亦曾經係「Victoria's Secrets」副線「PINK」嘅首席代言人。32歲嘅Miranda曾經係文青心目中嘅「最正人妻」因為佢喺2011年同「勒苟拉斯」Orlando Bloom結過婚，生過仔。不過兩人於2013年離咗婚，依家又唔算係人妻啦。佢目前仲同Snapchat創辦人，25歲嘅Evan Spiegel交往中添！

3. Heidi Klum

又一個Model界大前輩，出身於德國嘅Heidi Klum大家應該會覺得有啲熟口熟面，因為佢係時裝真人騷《Runway》嘅主持人。1997年首次成為「Victoria's Secrets」模特兒，1999年正式成為「天使」，然後一行就行咗13年，直到2010年退出。

2. Adriana Lima

來自巴西嘅Adriana Lima擁有「聯合國」一樣嘅血統－－法國加葡萄牙加日本加美國原住民同加勒比海地區。呢個雞尾酒一樣嘅血統就得出一副完美面孔，亦令佢成為「Victoria's Secrets」有史以來最「長命」嘅「天使」(由2000年至2015)。同時亦係2015年身價第二高嘅Model(年薪900萬美元)。

1. Kendall Jenner

我覺得嚴格上，Kendall Jenner唔算係一個模特兒－－因為佢最出名嘅唔係模特兒工作，而係作為「Kadarshian」家族嘅身份(其家人包括同母異父姐姐，名媛兼Kayne West老婆、幫《Paper》影過背面全裸照嘅Kim Kadashian，而及近期公開變性嘅前奧運冠軍Caitlyn  Jenner。)咁當然佢本人都係靚嘅！