情人節，顧名思義就即係「情人」之間嘅節日呀，咁理論上禮物、驚喜呢家嘢亦都應該係情人之間互相準備呀係咪？但唔知由幾時開始，情人節就變咗男仔「供奉」女仔嘅節日，買禮物係我、諗行程係我、做手工王係我、連出錢都係我，而最後換黎嘅竟然只係一句「多謝你呀BB」，連抱抱都冇個？會唔會太過「男女平等」呀？各位女士你哋有冇少少唔好意思呢？

其實男人個腦真係好簡單，諗嘢好直接！所以只要你識得睇眉頭眼額，要知道佢想要咩禮物真係易過借火！以下就等文青教你點睇！咩話？你話邊有女人睇MenClub？傻豬黎嘅，你Share出去Tag埋佢咪有囉！

1. 平時睇咩書

圖片：謎米香港

男人唔同女人，好少會因為無聊而拎起本冇興趣嘅書黎揭。換言之佢睇得嘅書都係佢有興趣嘅！所以只要你留意下佢近排睇啲咩書，就可以知道佢近期嘅興趣係咩，然後投其所好買份禮物就冇得輸！OKOK，我都知今時今日大家會睇嘅只有一本書，而本書就係叫「面書」。但就算你開唔到佢個facebook黎睇，你應該都知佢本時Like開啲咩Post、Follow開啲咩Page嘅係咪？例如MenClub咁，佢有冇Like過「Hobby」入面嘅某個玩具、Figure Post？有冇Like過「Gourmet」入面嘅某樣料理？又有冇Like過Fashion入面嘅某套穿搭？咁你就知佢鍾意啲咩啦？

下？你話佢Like得最多嘅係Morning Girl？呃…咁呀…咁咪用條絲帶紮起自己送比佢囉！佢都鍾意嘅…應該。

2. 日常時間分配

圖片：Design Taxi

好多女人話，唔明點解男人成日花時間做埋啲無謂嘢。但其實對我哋黎講，你Gel甲染髮做Facial又何嘗唔無謂呢？講到尾都係觀點與角度問題啫。但你必須要承認嘅係，大家都只會將時間分配喺自己覺得重要嘅事上面。尤其當大家每日為咗「生存」就已經花費咗大半日時間，淨返嗰幾個鐘「生活時間」嘅分配就顯得更加重要。例如你男朋友每個星期點都要擠啲時間去同朋友踢波、睇波；咁你就可以考慮送波衫(小貼士，買多件比自己著)；如果佢山長水遠都要飛去食澳牛(偷舉手)，咁你就可以…同佢食澳牛；如果佢得返十五分鐘空閒時間都要上「這裏的成人電影」…咁你可能就要送返隻Rio全集啦……

3. 生活小動作

男人係一種唔太會開口講自己想要咩嘅動物，但唔講唔代表佢冇嘢想要，只係男人其實都係傲嬌，希望作為佢最親近嘅人嘅你可以睇穿佢嘅心。所以其實憑佢嘅生活小動作，你都可以推測出佢最需要嘅係咩。有時，佢需要嘅可能只係一個「泡泡」…就好似呢條片入面嘅Chantale咁，就好細心咁了解到佢男朋友(唔係由我飾演，真係唔係，唔好打頭)最需要嘅係咩！你諗下連佢剃鬚呢啲咁貼心嘅嘢你都知，佢仲唔冧到一陣陣？

睇完，係咪都好想要個泡泡呢？唔係Chantale嗰個呀！係呢個Panasonic LAMDASH超高速磁力驅動電鬚刨呀！佢除咗有獨立浮動三刀頭、可以自動感應鬍鬚密度而調節震動幅度嘅「偵感」刀頭震動系統，仲有個好特別嘅「泡沫」剃鬚Mode，可以將坊間買到嘅潔面乳打成泡沫當剃鬚膏用，一邊剃鬚一邊潔面，唔單止佢剃得乾爽，而且仲剃得乾淨，咁就唔怕同男朋友錫錫嘅時候會巉到你嘅幼嫩肌膚。而且仲可以一齊你抹下我、我抹返你咁！成件事幾咁Sweet先得架！咁你話係咪最好嘅情人節禮物呢！啱架啦！買啦！一於送畀男朋友啦！

噢又Btw，為免你哋再估估下，呢篇嘢其實又真係廣告黎！但我又有貼士又有片仲有Chantale，都算賣得有誠意啦下話？