{ SKIP }
文:MenClub 魏文青  
POSTED ON 07 Jan 2020
「Man Cave」,係一個外國頗為流行嘅概念,指一個屋企中會有一間房(或相對隔離嘅空間,如地庫、車房、天台之類)供家中嘅男人「避世」,等佢哋可以暫時唔理外界,包括家庭嘅一切雜務,好好放鬆一下。而Man Cave中通常都會放滿男人們喜愛嘅嘢——遊戲機、電腦、車、模型、音響諸如此類,堪稱每個男人心目中嘅人間天堂。但近年就有觀點指,男人不應擁有一個「Man Cave」。

《Witcher》男星Henry Cavill早前接受訪問時指自己家裏沒有「Man Cave」,主要原因是因為佢喺倫敦間屋根本就冇多餘空間。呢個理由對於身在香港嘅我哋可以話係感同身受。當你間屋連傢私都唔太放得落,仲想擁有一個屬於自己嘅空間就實在太過奢侈。

但除咗土地問題,外國網站《Men's Health》就提出另一個「男人不應擁有Man Cave嘅理由」。佢指家裏設立Man Cave,就同以前嘅人喺屋企會有個書房供男士辦工、見客一樣,係為咗畀個空間男人「做自己該做嘅事」,換言之房外面嘅嘢如家務、湊仔、甚至買日常用品等事項,就係「男人唔該理嘅事」,咁呢啲事係邊個理?好自然就係由家中嘅女士們去處理。

問題係現代男女觀念、社會結構已經與幾十年前非常唔同,家務、育兒不再只係女士們嘅責任,現代男性亦要幫忙分擔。換言之,男性已經唔可以匿喺間房到「避世」,必須從Man Cave中走出來,與女伴一齊承擔家庭責任。

作為一個男人,睇到呢到係咪覺得有種莫名嘅壓力?放心,如果你都係好想有個Man Cave嘅話,都仲有方法嘅。上面以男女平等嘅角度指男人不能獨善其身,換言之Man Cave唔係唔可以有,而係唔可以淨係得你有。例如睇個樣就Man到爆嘅「水行俠」Jason Momoa喺接受訪問時指自己有一個充滿「皮革、結他與刀」嘅Man Cave,但同時佢太太亦都有一個瑜珈室,大家都有個人空間,再加上Jason Momoa本身亦係一個湊仔公,成件事就好合理啦。
總結黎講,就即係你想屬於自己嘅個人空間,你就要同時幫太太建立一個屬於佢嘅空間…但你記得我啱啱講大部份男人不能擁有一個Man Cave嘅原因係唔夠位呀可?
2016年初夏,我在一個普普通通的Party Room,訪問當年21歲、一頭棕紅色頭髮、走日系可愛風、還是個Mode、未必很多人識的郭思Suey Kowk。三年幾四年後的今日再見,Suey在外表上沒有太大改變,只是因為換了一頭黑髮令 ...
menclubgirl
三年一遇 - Suey Kwok 郭思
07 Feb 2020
「其實對我來說,每一年都有不順利的地方,就算拿獎也好,也是經過很多的不順利先拿到。」Ali躊躇了一會兒後說,「2019對我來說是步伐沒那麼快的一年,但人生到了我這個年紀(笑),放慢腳步反而會看到更多東西。」 .. ...
menclubgirl
放慢腳步 - Ali Lee 李佳芯
24 Dec 2019