為女兒而戰－河野公平

文：MenClub 波特先生　　圖：MenClub
POSTED ON 11 Sep 2017

黎緊10月7日香港會展將會舉行《王者對決3》拳擊比賽，將由香港嘅曹星如迎戰日本拳手河野公平，擁有主場之利嘅星如將會爭取生涯22連勝，而佢嘅對手較早前失落金腰帶嘅河野公平又抱住咩心態去打呢場比賽呢？

現年36歲嘅河野公平係前WBA超蠅量級世界拳王，今次Rex選擇同呢位前日本拳王打，其中一個原因係為左準備之後挑戰綽號「怪物」的現時WBO超蠅量級世界拳王井上尚彌。井上尚彌喺去年年底曾與河野公平進行比賽，最終井上只係用左6個回合就成功KO河野，所以Rex同河野打將可以知道自己同井上相差多少。

今次同河野公平做專訪，完全感受唔到佢喺擂台上嘅兇狠，仲可以講佢真係好低調好沉默寡言，不過當講到佢岩岩出世兩個月嘅女兒，可以睇到佢非常開心，甚至講關於女兒嘅野比佢熱愛嘅拳擊更多，睇黎佢真係一位好爸爸。

「今次是我第一次來香港的，對於香港我印象最深的就是夜景，這個夜景就像價值100萬元一樣珍貴，真的非常美麗。」

「當年我看過一本書叫作《如何在6個月內成為一名職業拳手》，然後我就想成為一名職業拳手了。在讀書高中三年時間裡，我加入了田徑隊，專項是長跑，這些長跑訓練所得的我希望可以融入拳擊當中。」

河野公平喺2000年開始出道，但係第一場出道戰卻喺第4回合已經不敵對手落敗。不過憑住1努力，河野公平成功喺2012年登上WBA超蠅量級世界拳王寶座，並曾3度衛冕成功。

「完全沒有想過自己能夠擁有現在的成就，因為自己在出道賽便落敗告終。」

「相反，我經常會出現放棄當拳手的念頭，因為不時都會覺得自己已經不行了，已經不可能再回到當日的高度了。」

「不過當女兒出生之後，我反而有一種想成為世界冠軍的想法，因為我想給女兒更好的生活。」

雖然河野公平非常熱愛拳擊，但係宜家嘅佢應該更愛佢嘅女兒，當被問到未來會否讓女兒參與拳擊，佢嘅反應非常堅決。

「絕對不行，100％不可以，因為拳擊實在太危險了。」

「女兒出生後，我的訓練時間並沒有因此而改變，但訓練以外的時間我都會全花在照顧女兒身上，因為我想好好記住女兒小時候的樣子。現在每天能夠抱住她與她玩耍，感覺都非常高興。」

10月嘅「王者對決3」，河野公平將會同「神奇小子」曹星如對決，雖然Rex目前已經21連勝，但係河野公平並無因此而擔心。

「對於即將舉行的比賽我有絕對的信心，因為我是為了勝利才會與他進行比賽的。而我比Rex更加優勝的地方是，我擁有更豐富的比賽經驗，履歷亦比他更加出色。12回合內KO他我亦很有信心，並已經有這個想像了。而目前我的訓練和平常一樣，並沒有對Rex有針對性的訓練。」

「王者對決3」將會喺香港會展舉行，屆時河野公平作會以作客身份出戰，面對大部份都支持曹星如嘅現場觀眾，河野又會點應對呢？

「我將會無視這種感覺，因為我不會聽得明白現場觀眾說什麼，而這種震撼的場面反而會激起我的鬥心！」

曹星如今次面對嘅對手河野公平，好有可能係佢過去遇到過最強嘅對手，除左因為呢位選手貴為拳王之外，更因為佢將會為女兒而戰，呢份動力將可能令Rex遭如首次落敗嘅可能性。不過值得一提嘅係，如果Rex今次比賽落敗嘅話，根據雙方所簽嘅合同，佢將可以即時申請再挑戰河野公平。

究竟最終鹿死誰手，10月7日大家拭目以待！