Gameone施仁毅：鍾意、堅持就會成功

文：MenClub Patrick　　圖：MenClub
POSTED ON 09 Oct 2014

「成功需苦幹」，其實根本不用再講，試問哪個成功人士無苦幹過？Gameone創辦人兼董事長施仁毅，20歲創業，成立漫畫分色製版公司「精藝」，數年間就成為業界no.1；及至2000年創辦Gameone，由投資單機遊戲到online game再到手機遊戲，再一次成為no.1，更贏得「香港online game之父」的名號。一生事業離不開ACG（Animation、Comic、Game）的他，認為自己能有今日的成就，原因就是他將興趣與工作結合，只要真正喜歡所做的事，再堅持下去，就自自然然會成功。筆者聽了也覺得總比一味叫人「苦幹」有道理，受教了！

連自己也承認童心未泯的施仁毅，對漫畫感興趣，是始於幼年時在內地生活的居所。「嗰時我係住喺一間祖傳落嚟嘅觀音廟，經常有個畫師嚟畫《西遊記》之類神話故事嘅璧畫，細個冇乜人陪我玩，於是就成日跟住佢，跟跟吓佢就當咗我係徒弟，教我畫畫，佢可以話係我嘅啟蒙老師。」當然，直至施仁毅在11歲移居香港之後，迷上了當時大行其道的《龍虎門》、《李小龍》等港漫，才正式與漫畫結緣。扮返學去返工每位成功人士總有一段「苦幹」的故事，施仁毅的苦幹故事，大概要由他十二、三歲說起。「嗰時已經出嚟做童工，做過五金、運搬、酒樓，我生得大份，都冇乜人當我係學生。」去到十四、五歲讀中二那年，施仁毅終於下定決心要投身漫畫行業。「我仲着住套校服，直接走去玉郎集團話我想入嚟做，輾轉之間又畀我見到當時嘅總經理祁文傑，佢講笑咁講咗句，話睇我個樣都唔係讀書㗎喇，就問我幾時可以返工，我答聽日，跟住佢就叫我第二日返工。」不過由於當時寫畫部沒有空缺，施仁毅被安排到分色部工作，「只要同漫畫有關我都做！」當時他問都沒問過父母，就這樣穿着校服扮返學，其實去了返工，一星期後學校才通知他父母，結果他被打了一餐後就正式輟學。
施仁毅至今仍保持着與港漫圈中人士的良好關係，當然包括前老闆黃玉郎，早前還出版了一本《港漫回憶錄》，並且擔任主編。
在玉郎集團的分色部做了4年，施仁毅未到20歲就做了分色部的阿頭。既有感要學的都已學晒，更因為玉郎集團上市，他內部認購股票賺了一筆，再碰啱有朋友找他合作，於是施仁毅便自己創業，成立了「精藝」，但其實這可算是他人生中唯一放棄理想的一次。「因為我係大仔，點都要幫手養家，所以我爸爸媽媽從來都冇支持過我做漫畫。而我應承過佢哋一定會搵到食，於是就要選擇，放棄咗成為漫畫家嘅志願，改為做啲同漫畫有關又搵到多啲錢嘅嘢。」冇生意捱麵包不過事與願違，施仁毅在創業初期經歷了人生第一個最艱苦的時期。「因為嗰時玉郎係一統天下，我哋只能夠接到啲細出版社嘅生意，數量好有限，同埋係豬頭骨價錢。」施仁毅還應承過家人，自立門戶後畀的家用，不會少過打工時，即使收入減少到要捱麵包，依然履行了這承諾。不過家人始終是最大的支持，「我爸爸問我有冇錢，我一定話有，但佢會靜靜雞摷我銀包，見到冇錢就會塞啲落去。」及至88年之後，馬榮成等漫畫家相繼離開玉郎集團自組漫畫公司，港漫行業變得百花齊放，「精藝」才能接獲更多漫畫後期製作及分色製版的生意。施仁毅堅持了兩年，不止捱過難關，更掘到第一桶金。施仁毅鍾情倪匡小說，聲言倪匡那套價值觀對他影響甚深，去年更出版及主編《倪學》一書，辦公室亦掛有蔡瀾題的「倪學」二字。
首次轉型做出版現年48歲的施仁毅，說他的30多年事業生涯中，約可分成3個階段，頭10年做漫畫，中間10年轉型做出版，近10年則做game。第一個轉捩點要數93年，「當年黃玉郎出獄，復出搞玉皇朝，再因為祁文傑（當時再任玉皇朝總經理）嘅關係，畀晒玉皇朝漫畫我哋做，我根本唔使再搵生意，多咗好多時間出嚟。」於是施仁毅便開始利用「精藝」賺得的資金，開展另一門出版生意，繼出版過漫畫、延續了他的漫畫夢之後，97年還創辦了全港首本電腦遊戲雜誌《PC Game Weekly》。「嗰個真係報攤嘅年代，啲書好好賣，我睇中咗香港冇呢類雜誌，於是想搞番本，結果發覺原來幾好搵㗎！」
施仁毅經常找知名人士為Gameone的遊戲代言，其中《足球經理人》就找了足球先生李健和，原來他跟李健和是中二的同班同學，兩人前後腳輟學。
Gameone兩次差啲執因為辦了遊戲雜誌，本身也是game迷的施仁毅，了解到這行業的環境後，便萌生做game的念頭。98年，他終於由玩家變成投資者，開始投資PC單機遊戲，00年更成立了Gameone，再因應02年online game及10年手機game興起，緊隨市場轉向發展這兩種遊戲。還因他與港漫圈關係密切，所以經常與漫畫公司合作，拿取版權製作遊戲。但他坦言Gameone這十多年來絕非順風順水，期間更兩次差點倒閉。「其實做遊戲開發風險好大，因為投資周期好長，今年將所有資金掟晒落一隻game裏面，隻game得就話啫，萬一唔得嘅話，下年可能連run間公司嘅資金都冇！有一次我哋決定由遊戲開發公司，轉型做遊戲供應商，自己代理埋遊戲；另一次因為公司擴展得太快，兩次都搞到公司喺外面嘅債務，仲多過公司嘅資產，變成負資產！」猶幸這兩次難關，最終又因他堅持到資金及時回籠而順利渡過。
施仁毅說他不甘心停留在一個地方，去年他就將Gameone CEO之位交予被他形容為多橋的項明生（右二）。
下一個10年做策劃但是施仁毅自言是「創業人」，不喜歡停下來實質運作一間公司，所以當Gameone上晒軌道之後，他已經在籌劃事業的下一步。「我鍾意搞起一樣嘢之後就交畀人，自己就走去玩第二樣嘢。下一個10年我會做結合ACG嘅嘢，仲會參與埋影視，以策劃多媒體項目為主，希望做到品牌式經營，發展大陸市場。譬如我攞到一個版權，就可以搵其他公司合作同投資，出晒漫畫、小說、電影、遊戲、精品所有嘢。」由他策劃的第一套港漫改編電影作品《野狼與瑪莉》，將於下年上映，另外他還正在策劃《古惑仔》、甚至改編倪匡小說的電影，雖然百足咁多爪，但始終不離他最鍾意的ACG本行！
多年來施仁毅出任多個有關創意產業的公職，經常發表演說，就連前特首曾蔭權也曾到訪過Gameone。
先唔好諗發達現今的年輕人經常被批評為有創意但不願捱，施仁毅半生從事創意產業，又怎看這世代的年輕人？「唔係呢一代嘅問題，每一代都有班自己覺得自己好有創意嘅人，同埋一班真係做緊創意工業嘅人。最大問題係好多人都講唔出自己到底想做咩，其實佢哋最想嘅係搵錢，但係搵錢唔係一份工嚟㗎嘛。我覺得只要你搵到鍾意做乜，瞓身、堅持咁做落去，做到嗰個領域入面最top嗰幾個，就自然會搵到錢，我將我成個人生都投入去ACG，都冇諗過會發達㗎！」不過最後他反而笑言自己也不算成功，原因是：「我會做啲好無聊、好唔搵錢嘅嘢，只為咗好玩，有錢人係唔會咁做嘅。」筆者眼前這位大老闆，果然還保留着童真的一面。
施生與施太
後記施仁毅說喜歡人叫他「風老總」多過「施生」，因為比較親切，這是他擔任雜誌總編時的筆名，源於他玩《鐵拳》時最愛用「風間仁」一角。而筆者在他太太的facebook中，就見她稱呼他為「相公」，相當恩愛，在訪問當中，施仁毅也多謝了他太太在「精藝」創業初期，跟他一齊捱麵包、在公司煮飯食。或者老套一點講句，男人要成功，看來背後真的還需要一個默默付出的女人。

COMMENT

KEYWORD

Ｇameone, 施仁毅

< PREVIOUS

重來愈食「越」滋味——李錦基越南餐廳

2014-10-09

NEXT >

(多圖) 老細出錢幫你裝修整完仲嬲！！

2014-10-10

SOMETHING NEW

不論你對ViuTV持有甚麼態度，你都不能否認它近年為香港娛樂圈捧出一群至少有話題性的年輕面孔。單論《全民造星》系列就為大家「貢獻」出Mirror、Error、P1X3L、Collar四隊組合，再加MC張天賦、Mansonvibes 張進翹、A ...

people

【MenClub People】鍾意，己經夠啦 - Johnny Hui 強尼

30 Sep 2022

第一次親眼「見到」洪嘉豪，是去年年尾在Jace (陳凱詠) 的演唱會上。雖然當晚他只是作為觀眾於台下睇Show，但每到Jace準備邀請嘉賓上台時，我旁邊就會有個不知名男觀眾，不停用洪嘉豪欠他錢沒還似的語氣大叫「洪嘉豪 ...

people

【MenClub People】一步一腳印 - Kaho Hung 洪嘉豪

04 Jul 2022

SOMETHING YOU LIKE

「成功需苦幹」，其實根本不用再講，試問哪個成功人士無苦幹過？Gameone創辦人兼董事長施仁毅，20歲創業，成立漫畫分色製版公司「精藝」，數年間就成為業界no.1；及至2000年創辦Gameone，由投資單機遊戲到online game再到手機遊戲，再一次成為no.1，更贏得「香港online game之父」的名號。一生事業離不開ACG（Animation、Comic、Game）的他，認為自己能有今日的成就，原因就是他將興趣與工作結合，只要真正喜歡所做的事，再堅持下去，就自自然然會成功。筆者聽了也覺得總比一味叫人「苦幹」有道理，受教了！

連自己也承認童心未泯的施仁毅，對漫畫感興趣，是始於幼年時在內地生活的居所。「嗰時我係住喺一間祖傳落嚟嘅觀音廟，經常有個畫師嚟畫《西遊記》之類神話故事嘅璧畫，細個冇乜人陪我玩，於是就成日跟住佢，跟跟吓佢就當咗我係徒弟，教我畫畫，佢可以話係我嘅啟蒙老師。」當然，直至施仁毅在11歲移居香港之後，迷上了當時大行其道的《龍虎門》、《李小龍》等港漫，才正式與漫畫結緣。扮返學去返工每位成功人士總有一段「苦幹」的故事，施仁毅的苦幹故事，大概要由他十二、三歲說起。「嗰時已經出嚟做童工，做過五金、運搬、酒樓，我生得大份，都冇乜人當我係學生。」去到十四、五歲讀中二那年，施仁毅終於下定決心要投身漫畫行業。「我仲着住套校服，直接走去玉郎集團話我想入嚟做，輾轉之間又畀我見到當時嘅總經理祁文傑，佢講笑咁講咗句，話睇我個樣都唔係讀書㗎喇，就問我幾時可以返工，我答聽日，跟住佢就叫我第二日返工。」不過由於當時寫畫部沒有空缺，施仁毅被安排到分色部工作，「只要同漫畫有關我都做！」當時他問都沒問過父母，就這樣穿着校服扮返學，其實去了返工，一星期後學校才通知他父母，結果他被打了一餐後就正式輟學。
施仁毅至今仍保持着與港漫圈中人士的良好關係，當然包括前老闆黃玉郎，早前還出版了一本《港漫回憶錄》，並且擔任主編。
在玉郎集團的分色部做了4年，施仁毅未到20歲就做了分色部的阿頭。既有感要學的都已學晒，更因為玉郎集團上市，他內部認購股票賺了一筆，再碰啱有朋友找他合作，於是施仁毅便自己創業，成立了「精藝」，但其實這可算是他人生中唯一放棄理想的一次。「因為我係大仔，點都要幫手養家，所以我爸爸媽媽從來都冇支持過我做漫畫。而我應承過佢哋一定會搵到食，於是就要選擇，放棄咗成為漫畫家嘅志願，改為做啲同漫畫有關又搵到多啲錢嘅嘢。」冇生意捱麵包不過事與願違，施仁毅在創業初期經歷了人生第一個最艱苦的時期。「因為嗰時玉郎係一統天下，我哋只能夠接到啲細出版社嘅生意，數量好有限，同埋係豬頭骨價錢。」施仁毅還應承過家人，自立門戶後畀的家用，不會少過打工時，即使收入減少到要捱麵包，依然履行了這承諾。不過家人始終是最大的支持，「我爸爸問我有冇錢，我一定話有，但佢會靜靜雞摷我銀包，見到冇錢就會塞啲落去。」及至88年之後，馬榮成等漫畫家相繼離開玉郎集團自組漫畫公司，港漫行業變得百花齊放，「精藝」才能接獲更多漫畫後期製作及分色製版的生意。施仁毅堅持了兩年，不止捱過難關，更掘到第一桶金。施仁毅鍾情倪匡小說，聲言倪匡那套價值觀對他影響甚深，去年更出版及主編《倪學》一書，辦公室亦掛有蔡瀾題的「倪學」二字。
首次轉型做出版現年48歲的施仁毅，說他的30多年事業生涯中，約可分成3個階段，頭10年做漫畫，中間10年轉型做出版，近10年則做game。第一個轉捩點要數93年，「當年黃玉郎出獄，復出搞玉皇朝，再因為祁文傑（當時再任玉皇朝總經理）嘅關係，畀晒玉皇朝漫畫我哋做，我根本唔使再搵生意，多咗好多時間出嚟。」於是施仁毅便開始利用「精藝」賺得的資金，開展另一門出版生意，繼出版過漫畫、延續了他的漫畫夢之後，97年還創辦了全港首本電腦遊戲雜誌《PC Game Weekly》。「嗰個真係報攤嘅年代，啲書好好賣，我睇中咗香港冇呢類雜誌，於是想搞番本，結果發覺原來幾好搵㗎！」
施仁毅經常找知名人士為Gameone的遊戲代言，其中《足球經理人》就找了足球先生李健和，原來他跟李健和是中二的同班同學，兩人前後腳輟學。
Gameone兩次差啲執因為辦了遊戲雜誌，本身也是game迷的施仁毅，了解到這行業的環境後，便萌生做game的念頭。98年，他終於由玩家變成投資者，開始投資PC單機遊戲，00年更成立了Gameone，再因應02年online game及10年手機game興起，緊隨市場轉向發展這兩種遊戲。還因他與港漫圈關係密切，所以經常與漫畫公司合作，拿取版權製作遊戲。但他坦言Gameone這十多年來絕非順風順水，期間更兩次差點倒閉。「其實做遊戲開發風險好大，因為投資周期好長，今年將所有資金掟晒落一隻game裏面，隻game得就話啫，萬一唔得嘅話，下年可能連run間公司嘅資金都冇！有一次我哋決定由遊戲開發公司，轉型做遊戲供應商，自己代理埋遊戲；另一次因為公司擴展得太快，兩次都搞到公司喺外面嘅債務，仲多過公司嘅資產，變成負資產！」猶幸這兩次難關，最終又因他堅持到資金及時回籠而順利渡過。
施仁毅說他不甘心停留在一個地方，去年他就將Gameone CEO之位交予被他形容為多橋的項明生（右二）。
下一個10年做策劃但是施仁毅自言是「創業人」，不喜歡停下來實質運作一間公司，所以當Gameone上晒軌道之後，他已經在籌劃事業的下一步。「我鍾意搞起一樣嘢之後就交畀人，自己就走去玩第二樣嘢。下一個10年我會做結合ACG嘅嘢，仲會參與埋影視，以策劃多媒體項目為主，希望做到品牌式經營，發展大陸市場。譬如我攞到一個版權，就可以搵其他公司合作同投資，出晒漫畫、小說、電影、遊戲、精品所有嘢。」由他策劃的第一套港漫改編電影作品《野狼與瑪莉》，將於下年上映，另外他還正在策劃《古惑仔》、甚至改編倪匡小說的電影，雖然百足咁多爪，但始終不離他最鍾意的ACG本行！
多年來施仁毅出任多個有關創意產業的公職，經常發表演說，就連前特首曾蔭權也曾到訪過Gameone。
先唔好諗發達現今的年輕人經常被批評為有創意但不願捱，施仁毅半生從事創意產業，又怎看這世代的年輕人？「唔係呢一代嘅問題，每一代都有班自己覺得自己好有創意嘅人，同埋一班真係做緊創意工業嘅人。最大問題係好多人都講唔出自己到底想做咩，其實佢哋最想嘅係搵錢，但係搵錢唔係一份工嚟㗎嘛。我覺得只要你搵到鍾意做乜，瞓身、堅持咁做落去，做到嗰個領域入面最top嗰幾個，就自然會搵到錢，我將我成個人生都投入去ACG，都冇諗過會發達㗎！」不過最後他反而笑言自己也不算成功，原因是：「我會做啲好無聊、好唔搵錢嘅嘢，只為咗好玩，有錢人係唔會咁做嘅。」筆者眼前這位大老闆，果然還保留着童真的一面。
施生與施太
後記施仁毅說喜歡人叫他「風老總」多過「施生」，因為比較親切，這是他擔任雜誌總編時的筆名，源於他玩《鐵拳》時最愛用「風間仁」一角。而筆者在他太太的facebook中，就見她稱呼他為「相公」，相當恩愛，在訪問當中，施仁毅也多謝了他太太在「精藝」創業初期，跟他一齊捱麵包、在公司煮飯食。或者老套一點講句，男人要成功，看來背後真的還需要一個默默付出的女人。