{ SKIP }
文:MenClub 波特先生  圖:互聯網
POSTED ON 30 Mar 2018

馬術對於香港人黎講可以話陌生得黎有啲熟悉,因為馬術呢項運動喺香港並唔普及,能夠玩嘅地方少之又少,而收費亦都唔算得上平,所以嚴格上黎講比人嘅感覺都係有錢人嘅玩意。而同時,由於香港曾經舉辦過奧運馬術比賽,所以感覺上好似同呢項運動好近。

而較早前,香港就舉行左《浪琴表香港馬術大師賽》,而香港亦有代表選手參加,其中賴楨敏Jacqueline就係其中一位,今次就等我地MenClub帶大家更多去認識呢位馬術運動員啦!
Jacqueline自小已經係一名運動健將,而幸運嘅佢10歲就有機會接觸馬術,並且一路接觸對馬嘅熱愛亦都一路增加。最終喺中學畢業後,Jacqueline就有機會用一年時間去將自己嘅興趣轉化成專業,並且成為如今香港嘅代表騎師。
問到佢覺得馬術最難困嘅地方係咩嘅時候,Jacqueline表示:「我認為馬術最難嘅地方係保持出色嘅心理狀態,因為我地比賽嘅時候總會輸多過贏,所以我地必須緊記自己當初點解開始玩呢項運動嘅原因,而我相信所有馬術騎師都真係鍾意同馬一齊運動的。」
可能你會問,究竟點先知隻馬當日嘅狀態係點呢?Jacqueline就話:「喺呢個水平嘅騎師會有一定嘅經驗,我地會花唔少時間去了解自己嘅馬匹,會知道究竟佢嘅狀態係好定係壞,要做啲咩去調整佢嘅狀態,需要做啲咩去強化或者放鬆。呢啲都係騎師從多年嘅經驗中所得出的,利用呢樣野我地就可以去判斷馬匹嘅狀態。」
作為體育項目入面唯一一個擁有動物參與嘅運動,馬術運動其實存在著唔少危險,其中馬匹嘅不確定性可以話係最難控制嘅一環,而Jacqueline就喺2011年嘅時候曾經受過一次非常嚴重嘅受傷,差少少佢就以後都行唔到路。
「2011年嘅時候,我曾經受過非常嚴重嘅傷,我從馬匹上墮下導致盆骨多處碎裂。」呢一跌,Jacqueline做左7個鐘手術,之後更訓左一年醫院,甚至差少少佢就下半身作廢。不過,由於對馬術嘅熱愛令Jacqueline並未有放棄。「墮馬後恐懼一定有,但我對馬術嘅熱情,再加上我想睇下自己可唔可以重拾受傷前嘅狀態,呢啲都蓋過左我嘅恐懼,而黎到今日我亦都再無任何恐懼。」
「其實每一個人喺生命入面都會遇到挑戰,唯一嘅方法就係繼續前進,我只係嘗試緊緊記住呢個諗法。」睇得出Jacqueline係一個非常堅強嘅女仔,能夠克服嚴重受傷再次坐上馬匹其實並唔容易,希望佢喺未來嘅比賽入面可以繼續為香港爭光,贏下更多錦標啦!

Editor:波特先生

Photos and Video:Ricky & Hong @ MenClub

譚校長:除了工作就係踢波 能夠有機會和大忙的譚校長譚詠麟做訪問,吹吹水,自然就知道校長未言退休,除了週週有波踢,仲期期有碟出,譚校長又有新的廣東大碟推出啦!打開維基睇一睇校長的威水史,第一張的粵語 ...
people
譚校長:除了《音樂大本型》工作閒來就係踢波
16 Nov 2018
「有一個造型是在泡泡浴裏拍的,沒有穿衣服,我又很輪盡的踩到去水的那個掣,水位就一路跌,再放水,我又再踩到,如是者我踩到三次,整支泡泡都用光了,到最後有些照片是走光了的,所以放不進寫真集。」 ... ... ...
people
首選 - Miko Wong 黃潔琪
26 Oct 2018