- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
要知道一個人有幾當紅,最簡單,在Google輸入人名,若然頭幾位已顯示出你想找的人,那麼,他/她絕對是實至名歸的大紅人。我輸入「王」字,王宗堯的名字已在搜尋器中的聯想字詞中名列前矛,(搜尋時間為4月5日),與同樣姓王,名維基的,穩坐一、二位。
問王宗堯(Gregory Wong)可知「自己有幾紅?」他笑而不語,我爽快問:「可否直呼你做男神?」他說︰「無所謂,我最近都改咗名,叫“Namson”」風趣、幽默、淡定、不卑不亢,男人,應該就係咁。 時勢造就? 數碼年代,造就更多的演出平台,有本事就可瞬間爆紅。實實在在的,傳統電視已經不能夠滿足大眾的娛樂需要,王宗堯對此有保留,「我覺得現時香港人睇電視的模式仍很落後,還是依賴大氣電波,扭開電視就可以收看,雖然大家都有手機在手,但是數據流量限制了用途。若果HKTV的節目可以從家中的電視盒子中下載,可分享結特定用戶,情形如Apple ID般,傳入自己的手機或iPad之中,無須受流量限制的話,相信會有更加多人睇。」 別說如果 回想HKTV開台初期,氣勢如虹,但後來的發展急轉直下,全台上下無不曾失落沮喪。 王宗堯還記得前年十月,與多位藝人到過政總遊行,各人到金鐘一間酒樓食飯,他形容那一餐是「解穢酒」。當時,各人的衣服都貼有HKTV logo貼紙,碰巧酒樓的電視播著《鏗鏘集》,正在報道HKTV的發牌事件,不少藝人的成了這新聞節目的「苦主」。當時姜文杰突然將那貼紙貼到電視畫面的右上角,這個簡單動作,說出了同事們心中所想。 「塞翁失馬 焉知非福」 HKTV的重點劇《選戰》、《導火新聞線》,令王宗堯變成男神。在兩套劇集之中,王宗堯都飾演近似壞男人的角色,近代的香港電視史話畀大家聽,演得好的壞人,往往比完美無瑕的好人更出位。俗語「男人越壞 女人越愛」,咁即係Women want him and men want to be him啦! Single and Available 男神與DaDa分手後,感情生活似乎靜止了,單刀直入,男神是否單身?「我現在無伴侶。」 這個答案可圈可點,他續道︰「經常都會想認識一些人,或試試拍拖,但現時大個了,不似過往說拍拖就拍拖,現時真的想要認識耐一點,看清楚一點。」 天秤座男神 OK,明白了! 言下之意,即是想要有伴的,但只是未找到合適對象,收到!請提供多少少條件,等有意者做足準備,例如,愛圈內還是圈外人?「圈內同圈外人都無所謂,但我知道前者是會緊張一點,因為你生活在五光十色、多姿多彩的世界之下,後者則會明白很多事都是工作需要。」 環繞地球一周後……
他曾經與一位香港女演員討論過同樣問題,男神認同傳統香港女人,例如王媽媽那一代香港女性的觀點︰ 環繞地球一周後,原來讚緊香港女人 睇過不少女性討論區,香港女士經常投訴港男人不夠「Man」。 男神在此,醒幾招畀巴打升呢upgrade,ok? 「我覺得唔會唔夠Man呀,現時香港的男人注意打扮,又做gym又跑步,我覺得男人被人投訴嘅唔係唔夠Man,而係好Man嘅時候會被人投訴唔夠溫柔;當粗枝大葉嘅時候,又被人話唔夠細心;當好Man去做運動又畀人嫌有汗味;掛住打機時又畀人話『宅』;當讀書好叻,有書卷味,又畀人彈佢悶,咁實有事可以挑剔喎!」 「講真,只不過係嗰個人可唔可以畀到你想要嘅嘢。」 「當然啦,個男人有樓、有車、又時間陪你、事業有成、孝順、仲孝順埋你阿爸阿媽、又帶佢哋去旅行兼買埋樓俾佢哋住、又識得多人,生個仔出嚟可以按排好校網,做女人嘅完全無須擔心,只需要同朋友high tea,或者去歐洲旅行買個手袋啦,咁係唔係咁樣妳個人生就豐富、美滿咗呢?好似白雪公主咁嘅生活有幾開心呢?咁我唔知啦!」 「我覺得最緊要搵到一個了解自已,氹到自己開心,生活可以兩個一齊捱都無憂,嗰種香港精神就最好。」 男神這番話,你可能嫌說教,你亦可能恨不得即刻喺fb share,小編身邊的已婚男攝影師就聽到定晒型,好似眼有淚光。 最後,男神提到與前輩的一席話︰「個男人喺出面捱得幾辛苦都好,個女人鬧住,但永遠都可以擺兩碟餸係枱面,有碗飯兩個人一齊食,一齊捱,咁我覺得嗰個女人就好正啦!」 所謂男神,都係人,都想有細水長流的愛情。 Hair:Zap @QUEEN'S PRIVATE i SALON Make-up:Aster Pang Special thanks︰Hooray Bar & Restaurant(2895 0885) Wardorbe︰Paul Smith、Neil Barrett |