陳意嵐，Tarah Chan，行內人都叫佢鬼妹。大家唔使急住搵佢嘅J圖唔多，事關網上唔多，而最精彩嗰啲真係喺晒套戲入面，大家入場睇真係唔好錯過，戲入面佢對擘脾跳舞引誘阿澤嗰幕，真係睇到好肉緊，仲有兩場床戲真係睇到唔眨眼。

全裸試鏡 博得演出機會
Tarah個樣係有幾分似阿嬌，絕對唔傻真唔天真，身高173cm嘅Tarah戲中著起黑絲加襪帶真係冇得輸，睇落更加戰鬥格，而且佢為演戲更博到盡。講返佢嘅入行經過都幾特別，Tarah讀書時都有做model出身，不過並唔係因此而進軍影壇，反而讀完電影相關課程後走咗去做化妝師，後來更做埋杜汶澤嘅化妝師添。

不過佢並唔係因為杜汶澤而有份演出《選老頂》，反而係多得杜汶澤老婆田蕊妮幫手。話說佢曾經為cast一個角色而全裸試鏡，結果就打動到田蕊妮穿針引線，令Tarah可以擔當呢個角色。事關開拍之後導演邱禮濤已經講明要肯脫先得，所以Tarah就決定豁出去。

車震最驚 床上玩塔羅占卜
既然講明要脫，所以Tarah每次喺電影中出現都係情慾鏡頭。「車震係我第一場，亦係我人生中第一場戲，所以會好緊張。雖然呢場係有衫著，但係我一樣驚。因為拍攝時好多人在場，而且又唔知道攝錄機拍緊乜，只係知道鏡頭大約位置。嗰種恐懼係有啲迷失，劇本上只話喺車入面有動作，冇對白，至於做乜動作同應該點做真係唔知，唔知道導演需要乜，好擔心自己做得唔好。」

電影入面兩場情慾戲，其實我對呢幕比較有feel，事關另一幕實在有少少騎呢。平時搞搞下拎情趣用品出嚟，大家應該都會覺得好正好激，但如果好似套戲咁，無啦啦成副塔羅牌拎出嚟，話要同你占卜人生，奇怪程度絕對會令人謝晒皮，Tarah對於呢一幕都非常深刻。「至於第二場戲就係另一回事，因為真係得返條底褲，冇著衫又唔知點做好。因為呢場戲要突然拎塔羅牌出來，實在唔知應該講乜好。你話如果有親人去世，你可以自己幻想到個情況，可以喊住演得好傷心。之不過嗰場床戲嘅情況，我諗你人生真係冇遇過。」

我人生真係冇經歷過乜嘢床上怪事，我聽過最恐怖一單都只係女上男下時，條女騎騎下突然係咁笑，自此男事主就留下陰影，唔敢再用呢個體位。再次強調，我只係聽返來，唔係發生喺我身上。「我驚唔知點去去演繹，嗰句說話講出嚟會係點呢？應該用咩節奏好呢？要喺好興奮嘅狀態下講出嗰句對白，真係好難拿捏。」Tarah諗返拍第二幕時，仲話等埋位時仲驚過roll機拍，成個人呆晒，連助手同化妝師都攬住佢喊，令到佢好感動。

悲劇女巫 勾引心魔

今次Tarah演出Coco呢個角色，性感得嚟好奇怪，而且仲有啲迷幻。大家可能會諗，到底係咪主角自己幻想出嚟嘅角色呢？「Coco喺我心目中係一個好迷幻嘅角色，我第一次睇劇本時都有諗過，到底這個人物係咪唔存在，只係阿七坐監後幻想出嚟，因為佢所做嘅事情實在唔合邏輯。喺性愛場面突祭拎塔羅牌出來，真係很難幻想到會咁樣嘅女仔出現。」

其實Coco呢個角色，係嚟自莎士比亞名作《Macbeth》，而Coco就係劇入面嘅女巫。「導演同編劇都有解釋過，Coco呢個角色係來自莎士比亞四大悲劇，《Macbeth》入面嘅三個女巫。故事內三個女巫只係間中出現，話比馬克白知佢會做皇帝，然後等馬克白相信咗這件事之後就開始去殺人，到最後仲摧毀埋自己。Coco其實有啲似《Macbeth》入面嘅女巫，佢種下好多令阿七行差踏錯嘅說話，喺阿七內心種下好多邪惡嘅種子，所以Coco仿佛唔係一個邪惡嘅人，但的確又做咗好多壞事。Coco令阿七嘅心魔走出來，佢要勾引嘅心魔而唔是勾引阿七。」其實諗返轉頭，Coco每次出現都係阿七需要動力同決定嘅時候，Coco出現就係畀力量阿七，同時亦令阿七愈踩愈深。

煙不離手 壞女人更有味道
Coco每次都好似一陣煙咁，喺煙霧中出場，連跳舞時都係煙不離手，而本來唔食煙嘅Tarah，為咗拍好呢個角色，搞到日日都要練食煙，就算唔食都要拎住支煙，而人哋食煙又跟埋去圍爐睇人哋拎煙先自然。

全裸演出，又煙不離手，仲要勾引人哋老公。Tarah會唔會擔心被定形為壞女人呢？「其實都有少少擔心，不過我能夠演出Coco呢個角色，都係因為我夠膽全裸去面試，而呢決心就被其他人見到，覺得我很想去演出先會有今次機會。導演亦知道我肯咁做，佢一開始已經講明要搵願意脫嘅演員，所以如果係合理嘅劇情需要，我係可以接受自己嘅形象。其實性感對女仔嚟講，家人最關心係你要脫到咩程度。不過我覺得對演員嚟講，如果要穿住衫去演一個情慾角色，可能比除晒去洗澡更難演，因為意識程度比布料嘅多少更重要。」

Wardrobe : Rebecca Minkoff
Makeup : Anni Teng
Hair : Kay Yau @ Bruneblonde