我估大家年少時期 (或者好似我呢啲阿叔) 都迷過韓星、韓團，雖然唔似得啲後生Fans會去機場接機尖叫，但至少會聽佢地嘅歌，買佢地嘅碟。於我個年代，最活躍嘅，繼「no body no body but you」之後就係少女時代，屋企入面唯一有嘅韓文唱片，就係少女時代嘅《Genie》。

孝淵最近做咗一隻彩妝品牌Absolute New York嘅亞洲代言人，宣傳嘅其中一站就係香港。難得嚟到香港，我地梗係唔可以放過啦。相傳韓國女團素來有7年大限，曾經紅極一時嘅4 Minute (即係有韓國第一性感女神Hyuna 泫雅嗰隊)，前排都話停止團體活動。呢邊廂少女時代，雖然有人退團，但始終無話解散，對此孝淵表示 :

「(SNSD長壽) 秘訣嘛~嗯~ 應該是teamwork，也有彼此之間的包容，怎麼說，雖然也可以說我們是 business partner，但我們都是認識了15年以上的朋友，就如家族、朋友一樣，我們的關係是就算只看眼神，也知道對方心裡想甚麼的」

從接受培訓到出道，到爆紅而變成經典，SNSD嘅隊員感情其實每一刻都接受緊嚴峻考驗，講真，普通人都無幾多個十幾年都咁FD嘅老友，友誼再加上商業利益，你估咁維繫? 上年咪有退團例子囉。出道時間愈長，單飛機會更多，孝淵話單體活動嘅時候，反而會更掛住其他團員 :

「雖然個人活動都很有趣，但個人活動的話，一個人的時候反而更想念成員。在一起的時候很吵鬧但更有趣！」

孝淵專程嚟講化妝美容，當然要叫佢評論吓我地最常見，香港女生嘅妝容啦。呢度要講句公道說話，主觀地睇，香港女生化妝同衣著其實好過好多地區嘅女仔，同日韓比都唔輸蝕

「但是我…一時想不太起來香港女生的具體穿衣風格。但好像很有時尚觸覺而且比較大膽、華麗。在我看來香港女生很會透過時尚來表現自己的個性」

香港女生雖然著衫好睇，但要表現自己嘅個性就…… 咁如果要孝淵俾意見，香港女仔夏季應該點著，先可以又好睇又有性感魅力?

「以今年夏天的造型來說，叫一字膊 露膊頭及鎖骨的造型，只露出膊頭也都很女性化，漂亮而且性感，所以強烈推薦一字膊上衣！」

喜歡呢鐘衣著嘅男士們，不妨share呢段訪問俾女友、心儀對象，等佢地識得跟你嘅喜好著衫嘛！