$5000港鐵告票的啟示

「我能夠下定決心開舖，其實要多謝港鐵。」Hercules曾經任職環保顧問，因熱衷玩音響、耳筒，又鍾意DIY器材，逐漸掌握維修耳筒技術。約10年前，他在本地某耳筒用家討論區活躍 ，開始以玩票性質為網友維修耳筒，一傳十，十傳百，客仔愈來愈多，大部份人先在互聯網向Hercules求救，雙方然後到旺角地鐵站交收。

唔想再做「化妝師」

Hercules在大學攻讀環境科技、環境管理及職安健，他與不少本地70後一樣，都希望畢業後能學以致用，找到安穩工作及收入。轉眼就在安全網生活了十多年。眼見環保在香港建築業始終係「side track嘢」，有時甚至淪為承建商或工程界的「化妝師」，2012下半年起漸感意興䦨珊，決定另謀出路。

睇準機會出擊 

話雖多得港鐵「趕盡殺絕」，但作為資深音響愛好者，Hercules強調看中耳筒維修這門生意是有根有據，皆因iPhone面世後，流動音樂快速普及，智能手機巿場對耳筒需求激增，「個個都想分一杯羹，好多意想不到的品牌都爭著推出耳筒」 。耳筒是脆弱的gadget，目前大部份銷售的耳筒都只有一年，甚至數個月的保養期，不少人都有感：耳筒壞咗，過晒保養期，代理又不願維修，但千幾，甚至近萬元一對耳筒，唔通咁就掉落垃圾桶？憑住多年的耳筒維修經驗及穩定客源，在女友鼓勵下，他決定用積蓄闖一闖，創立「小修小寶工作室」。

黃鴨陪我傾代理權

Hercules慶幸創業至今尚算順利，但one man band有時難免獨力難持，畢竟遇著假日，客人有時多到排長龍，但他避免發生意見分歧，以及希望畀最大信心客人，堅持親力親為，無打算找其他人合作。他亦感耳筒維修中心的角色好被動，「唔知客人幾時上嚟幫襯，所以要勤力開門做生意，否則就流失客人與白蝕租金。」所以，在開業後半年，他決定為公司開源，最初都沒有既定方向，直至去年大黃鴨訪港，他與女友在海運通宵等候黃鴨靠岸充氣時，邊與美國的朋友網上閒談，無意中談到生意上合作，最終在天光前取得Black Cat音響線材的香港代理權。他說可能以往肯蝕底，建立了一班亦友亦客的忠實fans，所代理的新產品旋即熱賣。

創業困難，但能夠身體力行去發展自己事業，感覺比做打工仔更加踏實，更可以尋回失去的自由，閒時與女友去旅行、學習拉大提琴，玩貓和帶刺蝟曬太陽，生活甚為寫意，難怪Hercules好肯定地話︰「暫時無打算再做老本行。」