「小學雞」白手興結他

文：MenClub Mean娜　　圖：MenClub
POSTED ON 06 Aug 2014

「男人大丈夫，要識彈結他、揸電單車、落場踢得，咁先至夠型！」這是「小學雞結他網」網主兼Jab Guitar品牌的創辦人Dickens的金句，亦是他自小對結他的態度。老老實實，要咁型係唔係想做男神？ Dickens絕非自小精通各種樂器的校際音樂節常客，一如好多香港學生，他在小學及初中階段，只學過木童笛咁大把。直至中四時得知朋友要學結他，就跟埋一齊，當然，往後的發展就如電視劇婆媽劇情，陪人跟人那位，最後卻是最有成就。他依稀記得，首次彈結他，聲音是非常溫柔、朦朧……那刻才知道，原來友人要學的是John Williams那種古典結他，而不是他一直想學，rock友味勁濃的電結他。這偶然的邂逅，反而吸引到Dickens迷上古典結他，但坦言︰「一摸上手，就覺得結他啱自己，就算其他樂器，例如鼓、鋼琴等等冇結他咁複雜，都覺得結他最易上手，可能呢啲就叫『唔係我揀佢係佢揀我』。」

為她放棄「他」 Dickens今日與結他形影不離，但他曾經放棄過彈結他，特別是當大學Year 1，為配得起當時的富家女朋友，決定讀Finance，將來做個有錢人。他幾乎將所有時間放在學業，成績不但非常之好，更取得獎學金。但他發覺自己其實不大喜歡讀Finance。有次見到同學彈「愛我別走」撩女仔，覺得……「點解佢彈結他彈得咁有型！同我以前學嘅唔同嘅！」於是Dickens立即向那位同學拜師，日夜苦練，用盡大學400個Printer Quota印樂譜，又與同學夾Band，到Year 2，學業成績立即插水。

Yahoo．《蘋果》．九龍公園 Dickens在大學的成績唔算好理想，但因孻仔關係，有三位分別是教師、會計及銀行的家姐阿哥「關照」，畢業後無需立即面對生活壓力。那時於銀行任職的阿哥曾為Dickens鋪路，幫佢入Big4，但Dickens自知討厭束縛，斷然拒絕，後來到過Yahoo網站及《蘋果日報》做編輯，期間無想過染指金融業。Dickens回憶在Yahoo的日子，workload不多，有次他在討論區見有Post話免費教彈結他，他照辦煮碗，在高登出Post「公園教結他」。他選了在九龍公園首次開班，當時有九個學生，大家沒有錢銀關係，一心想玩吓、分享吓彈結他樂趣。


Dickens回憶在Yahoo網站及《蘋果日報》做編輯的日子，表明「唔愉快」，他最終決定告別傳媒界。繼而開始日間搵工，夜晚開班教結他賺生活費。Dickens非常感激當時任職教師的太太，令他無後顧之憂尋找自己的發展方向。Dickens甫設立「小學雞結他網」開班教學，已有20個學生，報讀人數亦快速增長，Dickens為準備教材，已忘記了搵工，漸漸變成全職結他教師。
北上尋「他」開班初期，Dickens建議學生到通利或柏斯琴行買結他，一般而言，新手常買的Yamaha F310結他，入門價約$900。不過，有學生可能因家境或其他問題，覺得900元一支結他仍然偏貴。Dickens決定北上，到佛山、廣州等地，為學生搜羅更廉價的國產結他，過程中更認識到造工不錯的內地廠家。久而久之，Dickens就成了國產結他代理商，因口碑傳開，逐漸有更多人登門幫襯。 Dickens亦嘗試自己造結他，他在外國網站刨文，學習結他材質及結構，再用學生年代木工堂學到的手藝，成功砌出第一枝結他。最初，他想請大陸廠商代工，但每次落單起碼要300枝，訂金事小，點存放300枝結他事大。有一次，太太打爛他心愛的One Piece路飛模型，他腦筋急轉彎，從砌模型獲取靈感，改向大陸廠商攞結他材料，然後自己親手砌，賣幾多攞幾多。






要啱亞洲人 Dickens出品的Jab Guitar結他有多個系列，有入門級的，特點是售價平宜，設計參考自結他新手常用的Yamaha F310；也有採用罕有木材製成的，例如玫瑰木或胡桃木；亦有單板木製作的，不用合板，整片木作拼板，音色更純更實；更有全單板木製作的，連底板，整個結他出自同一種木。Dickens表示，亞洲人手掌偏細，他在設計時刻意偷薄結他頸，令扣頸動作更稱心，另外，亞洲人手臂短，他也偷薄了結他的主要部份。




老婆 vs 結他 Dickens終於將興趣變成事業，但原來太座相當討厭結他，覺得結他聲好煩。曾試過有學生親臨造訪，恰巧Dickens正在浴室，太太竟一於懶理繼續打機，由得學生在門外呆站。Dickens坦言，老婆同結他都愛，唯有自己度好開班schedule，可以的情況下減少課堂。他笑言：「簽咗紙，洗濕咗個頭，返唔到轉頭㗎嘞！」

編按︰Jab Guiter以一條火燃羽毛作標誌，意味著實踐理想總要經過試煉，除了心中有團火，身邊亦有不少反對聲音會燒毀理想，但縱然是燒過的羽毛，一樣可以飛得起。