{ SKIP }
文:MenClub 玄火  圖:互聯網
POSTED ON 17 Jan 2019

1月轉會市場,利物浦把Dominic Solanke賣給般尼茅夫,收回1900萬鎊;曼城將Brahim Diaz送到皇家馬德里,獲得2200萬鎊。兩個球員不獲重用,上陣機會寥寥,卻賣得一個好價錢,初時睇見真係當堂嚇一跳,然後得啖笑,識賣就係咁樣賣!

敗筆都賺錢

紅軍可能是近年英超最識賣人的球隊,Solanke兩年前以300萬鎊由車路士加盟,上陣27場,射入1球,表現根本不足加價轉手。諷刺地,他竟以1900萬鎊改投般茅,再看Christian BentekeMamadou SakhoDanny Ings等敗筆收購,同樣賺住離隊,實在教人直豎拇指。球員上陣不多,表現欠佳,正常會被買家壓價,但紅軍唔止賺,都賺到四萬咁口,唔通燒賣可以當蝦餃賣?

1.37億鎊

再睇曼城,近年出售的青訓和小將,大都獲得不俗利潤,13名正選總數只有33場的球員,合共為球隊帶來1.37億鎊收入。當中,Kelechi IheanachoBrahim Diaz均超過2000萬鎊,即使Jadon Sancho賣給多蒙特,顯然是走寶之作,但其他球員賣出後,亦不得有超凡演出,出售時「溢價」明顯,同樣是識玩之人,再睇以下列表:

曼城賺到笑 

球員 加盟球會 轉會費(英鎊)

Kelechi Iheanacho 李斯特城 2540

Brahim Diaz 皇家馬德里 2200

Angus Gunn 修咸頓 1350

Enes Unal 維拉利爾 1270

Jason Denayer 里昂 990

Jadon Sancho 多蒙特 910

紅軍識賣人

球員 加盟球會 轉會費(英鎊)

Christian Benteke 水晶宮 3250

Mamadou Sakho 水晶宮 2600

Danny Ings 修咸頓 2000

Dominic Solanke 般尼茅夫 1900

Jordon Ibe 般尼茅夫 1500

Joe Allen 史篤城 1300

集體上公屋

一般人會認為有需求,才有供應,舉例說,東涌忽然多了一批新移民,最愛吃勁辣鴨脖和鴨頭,附近的商販便會售賣鴨脖和鴨頭,但這批新移民有日集體搬上公屋,是否等於需求一下子消失?不,供應是可以創造需求。根據薩伊定律(Say's Law)話唔係,當所有產品面世之後,一定能夠售出,依靠產品本身創造需求,因生產、分配、交換只是手段,生產的目的是為了消費。

創造需求

正如樓市一樣,轉會市場上的賣家通常等待買家上門,但紅軍卻敢主動出擊,尋找合適買家,屢見奇效。紅軍睇中般茅前鋒Callum Wilson被豪門覬覦,急需補充鋒線,以免下半季兩頭不到岸,故能抬高價出售Solanke,更甚的是,紅軍也把右閘Nathaniel Clyne讓給般茅,被卡迪夫城批評出爾反爾。類似的情況也應用在BentekeSakhoIngs身上,供應是可以創造需求,大前提是你不能守株待兔。

品牌效應

曼城的手法有點不同,利用的「品牌效應」推高球員的價值,其一是不時破紀錄收購小將,增加外界的信心;其二是球隊青年軍猛將如雲,確實交出佳績,市價也會上升;其三,球隊出售小將時多數附帶回購條款,作為中小球會也認為,只要給年輕人機會,魚毛都會變鯊魚。買賣年輕球員,對曼城而言目標不僅匯聚人才,同時是一門謀利的生意,錢原是這樣賺的。

過去多國大力推行STEM(科學、技術、工程、數學英文首字母縮寫,以下簡稱理工科)教育,加上近年AI技術大爆發,帶動半導體、電腦科學等熱潮,大家或者會以為未來讀理工科一定比文科更吃香,至少唔怕搵唔到工。不過近 ...
powerandmoney
【工作】讀理科搵唔到工? 美研究指文史哲畢業生失業率更低
23 May 2025
有得揀,絕大部份人都唔會想返工。而返工最麻煩嘅其中一點,就在於要真係「返」去工作地點,亦即日本所謂嘅「通勤」。根據日本嘅一個新研究,通勤時間唔單止會影響你嘅睡眠時間,更會令你壓力倍增! 話說 ...
powerandmoney
【返工】日本研究指通勤時間一小時以上 壓力大8倍 每日只餘3.5小時「Me Time」
05 Dec 2024