講真身為老豆老母，好多都唔會狠心到一蚊不留，但係我地再睇下對面馬交何生一家就知，個老豆稍為病一下，一家人就即刻現晒型等分錢咁，重要做埋幾星期頭條。所以你話Sting呢招狠心？其實不如話係對仔女好就真，依家同佢地講到明「錢就無得分，大家幾兄弟姊妹就食自己啦」，唔使老時睇著一家人爭餐死、又可以等班仔女一早就死心出去自食其力，一舉兩得。

當然，做父母總係想留返樣野俾仔女，但你覺得留一大舊錢好？定係教識班細路識係自己搵食好？呢樣就留返俾各位決定啦。

因為我好明白係互聯網，講乜都有人屌。