{ SKIP }
文:MenClub 波特先生  圖:互聯網
POSTED ON 29 Nov 2019

尋晚歐聯小組賽第5輪,熱刺主場迎戰奧林比亞高斯,亦都係新領隊摩連奴首場帶領熱刺嘅歐聯賽事,最終球隊以4:2擊敗對手,成功確保獲得16強資格。

雖然最終以大比勝贏波,但係其實熱刺今場開初初段情況令人擔心,因為球隊喺頭20分鐘竟然先失兩球,令唔少人都以為摩帥領軍第二戰就要落敗收場。勢估唔到今場拯救摩帥、拯救熱刺嘅唔係哈利簡尼,唔係摩帥,而係一名球僮。

當比賽戰至49分鐘,熱刺其實己經成為追回一球以1:2落後,呢個情況球喺奧林比亞高斯後場出界,只見一名球僮快速將個波交比熱刺球員快開界外球,然後球由盧卡斯摩拉殺落底線然後出波,最終哈利簡尼禁區內輕鬆撞射入網,熱刺成功扳成平手。

摩帥見到呢個入球嘅整個過程,然後主動走到該名球僮身邊然後與佢擊掌及擁抱,明顯睇得出摩帥知道呢個入球好大程度上係靠呢名球僮嘅機警。賽後,摩帥接受訪問時表示,該名球僮很出色,因為佢理解比賽,能夠讀懂比賽而不是只睇住看台。摩帥更指自己想邀請對方到更衣室與球員們一齊慶祝,但那個時候球僮已經走了。

雖然見證愛隊贏下一場逆轉勝,但該名球僮回家坐車嘅時候未能夠好好慶祝,因為佢好快就要考試了,所以在車上需要好好溫習,而這就是現實...

乜嘢叫Mamba Mentality?睇過他筋腱撕裂後上場射罰球,便能意會,不能言傳。忍受、勇武、無懼,有一種不死精神叫Kobe,願在你我心中永垂不朽。
sports
玄火 - 我完場了 但不會退場 -- Kobe Bryant
29 Jan 2020
如果...沒有如果啦...
sports
【既生瑜何生亮】Kobe直言沒有馬刺三頭馬車,湖人能10連冠! ...
29 Jan 2020