{ SKIP }
文:MenClub 波特先生  圖:互聯網
POSTED ON 02 Dec 2019

目前桌球英國錦標賽(2019 UK Championship)正進行至32強,其中三號種子Mark Williams及10號種子鶴健士於64強止步,而頭號種子「火箭」奧蘇利雲則輕鬆以兩個6:0淘汰Ross Bulman及田鵬飛,唔知係咪比賽太過輕鬆及沉悶,「火箭」竟然再次於比賽中玩野!

相信有睇下桌球嘅比賽都一定知道,「火箭」奧蘇利雲經常於比賽中出奇不意,而於128強嘅比賽入面,佢就再一次放棄完成打出147度滿分。就喺與Ross Biulman進行嘅第三局比賽,當時「火箭」已經打左15個紅波及14次黑波,而當最後一個紅波落袋後,雖然打黑波嘅角度唔算非常好,但佢諗都無諗就打粉紅波,最終成功清檯嘅「只」係打出146度。

今次已經唔係「火箭」第一次主動放棄打出147滿分,而對於今次再次放棄,呢位目前世界第二嘅球員就表示:「呢球打粉紅波較為簡單,所以呢次係一次正確嘅出桿。」另外,「火箭」又表現較早前鶴健士成功打出147度滿分,所以唔想分薄對方7500鎊嘅獎金。

除左放棄147度滿分之外,呢場比賽入面「火箭」仲有一次任性行為,就係喺第四局打完最後一個紅波,然後打入啡波之後,佢竟然唔等裁判放回啡波就立刻打入黃波,因此被裁判判犯規,但因為當時「火箭」已經以85:6大幅領先,所以就算被判犯規佢仍然贏下呢一局。

作為可能係歷史最偉大嘅桌球手,「火箭」基本上已經贏得一切,餘下嘅就只係不斷刷新紀錄,而對於佢自己黎講,喺比賽入面尋拎自己嘅樂趣亦都係佢可以做嘅野,而放棄147又或挑戰裁判可能就係佢覺得好玩嘅野。所以幾時都話,無負擔就係可以任性!

終於打低Wilder啦!!
sports
【冠軍易主】Fury擊敗Wilder搶左WBC金腰帶!
24 Feb 2020
所謂人不可以貌相,原來基爾獲加(Kyle Walker)在場外的「射術」可能比前鋒更出色,因為他成功「醫好」不育辣妹,今已懷孕24周!
sports
玄火 - 曼城「聖手」專治不育
24 Feb 2020