{ SKIP }
文:MenClub 波特先生  圖:互聯網
POSTED ON 31 Dec 2019

黎到2019年年尾,唔少人都會發佈感謝文去多謝過去一年支持自己、幫過自己嘅人,而其中德甲班霸拜仁慕尼黑就選擇向每一個國家配上自家球員嘅合成圖感謝該國球迷。

從拜仁嘅官方Facebook可以睇到,佢地發佈非常多嘅各國感謝合成圖,其中好似包括日本、韓國、法國、意大利等,但係點解唔見中國嘅?原來其實最開始嘅時候,拜仁係有發佈中國嘅感謝圖,唔單止咁佢地仲發佈左台灣嘅「青天白日滿地紅」中華民國國旗合成圖。

而由於咁樣同時發佈中國及中華民國國旗嘅合成圖,令不少球迷都走到圖片中留言,甚至感謝拜仁咁有勇氣去間接支持台灣係一個國家。不過,相信拜仁官方都無諗過回響咁大,亦都對中國同台灣嘅關係唔夠敏感,之後可能因為怕得失中國球迷,所以佢地將中國及台灣嘅合成圖都刪除了。

近期唔少政治問題都走進體育圈,好似較早前嘅阿仙奴球星奧斯爾就公開支持新彊,譴責中國暴力鎮壓該地人民。另外,NBA就有火箭總經理莫利公開聲援香港,支持香港為自由而戰,導致中國方面抵制火箭隊,而NBA總裁Adam Silver就明言支持美國有言論自由。

所以,今次拜仁後知後覺隨時挑起中國人民嘅玻璃心,然後可能又令佢地口話要抵制拜仁啦。

雖然社會愈來愈接受忘年戀,但要幸福走下去,又談何容易?老夫少妻同少夫老妻之間,難免受到不一樣的世俗眼光,體壇中也有些例子值得參考。
sports
玄火 - 體壇忘年戀 追求小確幸
17 Jan 2020
究竟McGregor回歸戰可唔可以KO對手呢?
sports
【Sport The Unexpected】「寸咀拳王」McGregor回歸變人偶?
17 Jan 2020