{ SKIP }
文:MenClub 摯樂  圖:互聯網
POSTED ON 31 Dec 2019
【數碼訊源】法國Métronome HIGHEND串流播放器 DSS難得低調樣

論盡音響訊源尤其是CD機數碼年代,法國音響品牌Métronome (中文叫文豪)異常出色,係訊源中的超級HIGHEND名牌,自1987年由精通各種數碼線路的音響大師Dominique Giner創辦,一直創意非凡,配合法式藝術高雅美學,從來都係音響發燒最華麗選擇之一。來到2020年,數碼新世代,廠方宣布推出全新串流播放器 DSS,主打數碼訊源不帶解碼,即是高階分體玩法,價格約為 €3,490 歐元,數碼CAS新時代,法國人都要革新,但設計居然回到簡約電腦式,設計嘅嘢果然識條鐵咩!



Métronome 喺數碼CD訊源方面享負盛名, 進入到串流媒體數碼世代, 2017年率先推出 Digital  Sharing新系列對應現今CAS檔案播放年代。今次係第二個數碼新產品,之前推出的dsc1包含解碼在內一體化數碼訊源,今次新推出應該比高階的玩家選擇,純訊源數碼輸出不配內置dac,針對串流媒體重播,用家需要配合外置 DAC 解碼使用。

DSS 結構簡單即插即用,支援高達 384 kHz / PCM 及 DSD 64 訊號,對應支援最新 MQA播放,用家可透過 LAN 或無線 WiFi 連接網絡,並對應 UPnP、DLNA、AirPlay 和 Roon 等。串流和網絡數碼媒體播放全面。數碼輸出方面分別設有一組 S/PDIF 同軸,一組 AES / EBU,一組 Toslink 光纖以及一組採用 HDMI 介面的 I²S 輸出。可以對應市面近乎所有高階解碼。

DSS設計大尺寸不算很大部, 25 × 25 × 7cm,重量為 4.8kg。外型設計採用廠方一貫DS系列鋼琴式設計, 前面板上有醒目藍色細節以及獨有的藍色LED標誌。 機箱採用鋁製外殼減少外防干擾,不過是次設計感覺好像一部電腦伺服器, 喺高貴當中打一點簡約,設計好唔好就見仁見智。

新的Métronome數碼訊源,一眼睇落就無左過去法式華麗高雅, 不過Métronome的大名可不是泛泛之輩,相信依然吸引到各位新世代數碼達人去比較比較,期待留名。

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024