{ SKIP }
文:MenClub 波特先生  圖:互聯網
POSTED ON 13 Jan 2020

相信有跟開大陸侵權案嘅朋友,一定對「籃球之神」Michael Jordan嘅Air Jordan品牌及內地品牌「喬丹體育」嘅侵權官司有所了解,而明眼人都知「喬丹體育」擺明係借Jordan嘅名字去搵錢,實際上卻與Jordan丁點兒關係都無。

不過,即使「喬丹體育」係借Jordan過橋,但中國內地不少人都對此毫不知情,甚至以為「喬丹體育」係外國品牌,或與Jordan有關係。正因為咁,「喬丹體育」嘅收入非常可觀,甚至一度盛傳會上市集資,只係因為後來需要打官司而擱置上市計劃。

由於「喬丹體育」早於90年代已經於中國註冊,所以到後來Air Jordan品牌正式進入內地市場嘅時候先發現,有關Michael Jordan嘅多個商標已經被註冊,例如:Jordan中文「喬丹」、「23」等等。對於呢個情況Jordan認為「喬丹體育」明顯侵權,所以決定與對方對簿公堂。

可惜Jordan輕視了中國特色嘅侵權制度,內地對於知識產權嘅概念極低,所以早年嘅訴訟都以Jordan敗訴。直到2016年中國最高法院才判定「喬丹體育」侵害Jordan姓名權,違反商標法,但其公司標誌卻以沒有Jordan嘅個人特性,因此判定不損害其肖像權,不構成侵權。

睇番「喬丹體育」嘅Logo,再對比Jordan當年比賽嘅圖片,明顯Logo就係Jordan,但可惜因為圖案並無五官,外型亦只係剪影,所以「喬丹體育」就辯稱其Logo上嘅Jordan手上拎嘅並唔係籃球,而係乒乓球拍,雖然知道「喬丹體育」明顯喺度狡辯,但又真係奈佢唔何...

最終「喬丹體育」成功守護自己嘅Logo,但其辯稱難以令外界接受,因此引來不少批評,唔知呢個結果又會否影響其未來發展呢?

可惜未能見證美斯離開巴塞....
sports
【2億歐元】曼城真向巴塞出價收購美斯!
09 Sep 2020
Embiid好掛住JB咁wo...
sports
【實力認證】熱火擊敗公馬,Embiid開腔掛住Butler
02 Sep 2020