{ SKIP }
文:MenClub 波特先生  圖:互聯網
POSTED ON 12 Feb 2020

日本滑冰選手綽號「冰王子」嘅羽生結弦,日前喺四大洲花滑錦標賽男子單人項目中首度登頂,同時佢亦成為史上第一位實現職業生涯國際滑聯大賽全滿貫嘅男子選手。

現年25歲嘅羽生,近年於花式滑冰場上基本上係無人能敵,近日參加四大洲花滑錦標賽嘅佢,雖然於自由滑當中出現失誤,但技術含量卻一支獨秀,再加上短節目完美嘅表現,羽生最終以299.42分毫無懸念下奪得今屆賽事冠軍。

今次係羽生生涯首次奪得四大洲花滑錦標賽冠軍,加上佢已經分別奪得冬季奧運、世錦賽及大獎賽嘅冠軍,所以囊括晒國際滑聯旗下嘅四大賽事冠軍嘅佢成功完成全滿貫偉業,係史上首位完成嘅男子選手。

唔單止係咁,羽生過去喺青年組亦都囊括當中嘅所有冠軍,亦即係話佢係完成左真真正正成年組及青年組嘅全滿貫霸業。

唔好睇羽生近年進入無敵境界,今個賽季前半段佢可以話陷入生涯黑暗期,其感到嘅壓力非常大,並且搵唔到滑冰嘅樂趣,完全失去動力。幸好羽生最終走出陰霾,在賽季中重新選擇表演選曲,而自己亦參與編曲當中,令佢覺得滑冰再次係屬於佢自己嘅東西,動力因此又再回來。

重新找回滑冰樂趣,冠軍亦再收入囊中,加上Fans們嘅小熊維尼雨,相信羽生未來一定可以再創高峰,回饋支持者。

日本會否真的不能舉辦奧運呢?
sports
【武漢肺炎】倫敦市長:我們隨時可接手舉辦奧運!
21 Feb 2020
請比空間Kobe及其家人吧!
sports
【傳奇長眠】Kobe Braynt與女兒墓地位置曝光
21 Feb 2020