{ SKIP }
文:MenClub 波特先生  圖:互聯網
POSTED ON 13 Feb 2020

中國目前正大規模爆發武漢肺炎,每日確診及死亡人數不斷上升,可以話人人自危。不過總係有一班人相信政府,唔驚!而勢估唔到嘅係,今季有機會歷史性奪得英超冠軍嘅利物浦,目前正考慮今夏到中國踢季前賽!

過去四年,利物浦有三年季前賽都飛到美國進行,其中除左利潤吸引之外,仲係一個好機會去為球會吸Fans,從而增加海外Fans數目。

而今年夏天,利物浦正考慮到東亞進行季前賽,球會預計屆時會以英超冠軍身份進行季前賽,而與新贊助商Nike商討後,利物浦好大機會到中國進行比賽,因為Nike希望利物浦可以增加於中國嘅Fans群。

Nike於2018年在中國嘅銷售額增加左27%,而利物浦則於去年6月正式與Nike達成合作關係,雙方簽約5年,因此Nike希望利物浦可以增加擁有巨額潛在客戶群嘅中國就變得理所當然了。

上一次利物浦黎到亞洲已經係2017年嘅事,當年佢地黎到香港參加英超亞洲盃,與另外三支英超球隊進行比賽,最終奪得賽事冠軍。今次佢地想轉戰中國,唔知到時武漢肺炎問題仲嚴唔嚴重,唔通真係有錢連球員條命都唔要?

可惜未能見證美斯離開巴塞....
sports
【2億歐元】曼城真向巴塞出價收購美斯!
09 Sep 2020
Embiid好掛住JB咁wo...
sports
【實力認證】熱火擊敗公馬,Embiid開腔掛住Butler
02 Sep 2020