相信大家有留意NBA場外新聞嘅應該都知道，擁有超過500億美元身家嘅快艇老闆Steve Ballmer為左自己隊波快艇能夠擁有自己嘅主場館，所以較早前正式向紐約人老闆James Dolan以4億美元收購位於加州嘅體育館The Forum。

不過大家唔好以為Ballmer拎出4億美元買球場就足夠任性，因為收購The Forum嘅背後仲有不少操作大家未必知道的。

消息指，Ballmer收購The Forum後將會進行大裝修，新球場將擁有18000個座位。另外，球場將會同時建設一個快艇嘅球隊總部及社區中心，而呢部份嘅支出將由Ballmer個人融資進行。The Forum進行大翻新嘅計劃中，將創造7500個建築職位及1500個永久性職位。

不過，由於能夠預計The Forum完成翻新後，快艇隊嘅比賽很大機會吸引不少球迷來到現場，而該社區嘅物價及租房價都無可避免地上升，對此有社區人士就Ballmer收購球場作出不少阻撓。而Ballmer最多咩呢？當然就係錢啦！佢承諾會拎出1億美元，其中8000萬美元用於建設平價房屋以及補貼租房者，另外2000萬美元則捐給當地學校及青少年計劃。

雖然睇到Ballmer有錢就任性，但其實佢大可以漠視該些反對聲音，因為責任不完全在佢身上，但佢仍然願意盡起自己嘅責任，實在係難得。反觀香港嘅高官聽到市民嘅聲音，卻選擇完全漠視，反其道而行，實在令人心寒！