目前武漢肺炎仍然嚴重打擊全球，其中意甲聯賽亦因此無限期停辦，不少球員被迫減薪共度時艱，就算身為超級巨星的C朗拿度亦無得避。不過就算被迫減薪400萬歐元，仍然無阻C朗拿度成為第一位足球員生涯收入超過10億美元。

據《福布斯》數據顯示，去年C朗拿度總收入達到1.09億美元，就算意甲決定進一步再減薪30%，但C朗仍然可以全年賺取4600萬美元。

憑住大量廣告收入，加上其個人CR7品牌，預計C朗今年全年收入仍然可以超過1億美元，咁就令佢由2002年展開球員生涯開始至今18年時間，其總收入將超過10億美元。

C朗現時因為武漢肺炎關係與家人一同留在家鄉葡萄牙馬德拉島，相信聯賽短時間內應該都難以展開。

作為足球員職業生涯能夠賺取10億美元C朗拿係第一人，但如果計所有運動員的話，C朗只係第三人，其餘兩人分別係老虎活士及「不敗拳王」Mayweather。