{ SKIP }
文:MenClub 玄火  
POSTED ON 20 Apr 2020

嗱,點解「Oppa」特別Man?當兵可能就是原因。4月20日,熱刺前鋒孫興敏(又寫孫興慜)正式進入韓國海軍陸戰隊,接受為期三星期的訓練,直至5月8日離營。咪以為南韓軍訓係黃埔軍校體驗營,呢三星期絕對是地獄式特訓,哪怕你係英超球星都一視同仁!

唔係話南韓贏到2018年亞運會後,全隊獲得免「役」金牌嗎?的確如此,但是兵役可免,軍訓難逃;保家衛國,匹夫有責!27歲的孫興敏所參與的是軍事訓練(兵役則為21個月),並以非公開方式加入新兵營,官方已嚴禁記者和球迷在疫情下到現場圍觀,違者必罰。

「亞洲一哥」因傷回到祖國治療,結束隔離後轉去度假天堂濟州島,參與南韓海軍陸戰隊第九旅團,正式接受三星期訓練(如陸軍則為期四星期),總時數是不少於544小時。這位熱刺前鋒入營前同樣需要剃頭,不少人都選擇剃光光,然後把將頭髮保存在密封袋。傳統上,南韓人一旦在值班執勤時身亡而無法取回屍體,士兵的家屬就可領回死者的頭髮,以作紀念。

南韓海軍訓練量大而激烈,基本的近身搏擊、武器使用訓練以及在鐵絲網下爬行等,只是小菜一碟。其他更艱難的任務,包括長達30公里的集體行軍、背負24公斤的裝備陸上行走7公里,還有一場「生化戰」。學員需要佩戴防毒面具,進入充滿催淚煙的密封建築物,然後要盡快找出路逃離,期間要特定情況下依照軍官指示,除下面具,需要短時間硬食TG,嘗試一下淚涕交錯的感覺。

受訓期間,士兵不得使用手機,只能用電郵或書信聯繫外界,也不得使用護膚產品,但可佩戴手錶,準備深夜執勤之用。如此高強度的訓練,球迷都擔心老孫在右臂骨折之後,無法完成,但他已在網上派定心丸,堅稱傷勢已完成康復,並計劃5月下旬返回英國。值得一提,海軍陸戰隊內有一支足球隊,故此他也不怕無波可踢,邊射擊邊射波,以戰養戰。

上述訓練細節,聽落都替老孫辛苦,你話南韓仔完成特訓後,點會唔大隻唔tough呀?老實講,嘴巴說愛國,身體最誠實,假如強國一個月後推出兵役制,分分鐘即時有1億人口「蒸發」──父母都寧願送個仔去外國做二等公民咯。

自從去年格拉沙家族宣佈有賣盤意願後,曼聯近來就不停同各地富豪扯上關係。先係有一堆中東資金表示有興趣,英國傳媒於一月時又話英國首富、兒時係曼聯球迷嘅Sir Jim Ratcliffe有意收購愛隊,而最新消息,就話 (曾經 ...
sports
【足球】傳Elon Musk有意430億收購曼聯
14 Feb 2023
減肥係大部份人嘅終生事業,所以屋企或多或少都會有啲健身器材存在。問題係啲健身器材通常都又重又大而且仲幾樣衰,放喺屋企都真係幾破壞觀感。好在日本Mizuno近日就同美國花生動畫聯手,推出一系列《Snoopy》運動用 ...
sports
【健身】最可愛健身用具 Mizuno推Snoopy公仔啞鈴
20 Jan 2023