在餘下8輪落後利物浦23分下，曼城1分都不能少，但卻喺尋晚面對車路士以1:2不敵對手，終告衛冕失敗，直接將利物浦送上冠軍寶座。

曼城落敗後，31輪賽事取得63分，利物浦則31輪賽事取得86分，在餘下7輪下榜首利物浦領先第二位嘅曼城23分，因此利物浦成功提前7輪奪得英超冠軍，係球隊在英超28年歷史中首次奪冠。

利物浦今次奪得聯賽冠軍除左係球隊首奪英超冠軍之外，亦都係球隊相隔30年後再一次奪得聯賽冠軍，當時英超仲未改名，仍然叫作英格蘭甲組聯賽，當時利記陣中較為人熟悉嘅有魯殊。

利物浦今次能夠成功奪冠，全因為球隊表現開季至今戰績一路高歌猛進，開季8連勝，直至第9場先比曼聯迫和，之後再斬下18連勝，反觀曼城頭5輪僅錄得3勝1和1負，之後又接連敗給狼隊、利物浦、曼聯等，因此被利記拋離，最終衛冕失敗。