喺香港要搵個識足球嘅女仔唔係冇，但一定難；你要搵個識踢波嘅女仔就更加係絕冇僅有，因為佢哋話踢波撞黎撞去粗魯喎，冇瓦遮頭會曬黑喎，跑咁多會腳粗喎，但SOGO感謝祭咪又係一樣咁撞咁曬咁跑？況且邊個話踢波一定有甲組腳？你睇下Jusine Ouellet先講啦！

今年18歲嘅Justine來自美國加州聖地牙哥，據網上資料顯示佢由4歲就已經開始踢波，讀到高中更加係女子足球校隊，即係起碼踢咗十幾年，你睇下人哋啲相有冇腳粗？人家腳唔粗之餘舊磚就粗 (唔知咩係「粗磚」嘅請自行Google)，所以依家先做到泳衣Model ！你試幻想下佢喺綠茵場上，一頭金髮飄揚 (雖然係染嘅) 咁帶住對…I mean個波向你衝埋黎，成個畫面幾有動感幾咁好睇呀！