西甲第37輪賽事，在皇馬擊敗維拉利爾下，同時亦宣告銀河艦隊壓倒巴塞贏下今屆西甲聯賽冠軍。對於上季僅排名聯賽第三位，落後冠軍巴塞多達19分嘅皇馬，今季能夠贏下冠軍真係令唔少人感到神奇。而當中最大嘅功臣，絕對係球隊教練施丹。

施丹上季臨危受命二度回歸皇馬執教，這位救火隊長上季在前人挖下嘅深坑中盡量拯救球隊，雖然最終未能贏下錦標，但球隊表現明顯有提升。而黎到今季，施丹再一次施展魔法，重點提升球隊防守，以取代失去C朗拿度這等入波神人嘅攻擊力，最終成功減少不必要嘅失分。

施丹除了在球員時期已經係星級嘅存在，想不到做了教練後短短幾年已經成為歷史級，佢第一次執教皇馬係2015年1月取代賓尼迪斯，其後為球隊連續三年帶來歐冠盃冠軍，載入足球史冊當中，當中亦包括1個西甲聯賽冠軍，之後佢突然宣佈離任。

離任一年後，施丹再次接手球隊，最終僅用一年多啲嘅時間就再次為球隊帶來重要冠軍，相信皇馬管理層真係對施丹愛不釋手，唔知今次呢位法國球王會留喺皇馬幾耐呢? 會唔會一直做落去呢?