自從巴西球星尼馬離開巴塞加盟巴黎聖日耳門後，成日都有人講話尼馬想返巴塞，又覺得喺巴黎唔高興、無挑戰性，只係巴塞唔要佢，所以佢被迫繼續留喺聖日耳門。不過，近日故事卻可能出現180度逆轉。

This would really be something...https://t.co/zjJ62KzoLL

— AS English (@English_AS) August 20, 2020

巴塞近日歐聯崩盤出局，美斯與管理層出現嚴重分歧，又傳言佢非常想離開，下一站成疑。反觀如今聖日耳門殺入歐聯決賽，又於國內連奪三個冠軍，簡直係如日方中，美斯離隊轉投呢支法國班霸嘅機會更大。

當然，聖日耳門方面並未表達有意收購美斯，但若然美斯有意離隊，試問擁有財力支持嘅聖日耳門點會唔出手? 加上到時尼馬應該會說服球隊簽下美斯，令佢可以再次與呢位世界最佳球員合作打天下，爭奪更多冠軍。

Neymar & Messi.. pic.twitter.com/wsO9mRuLqa

— Football Memes  (@FootballMemesCo) August 20, 2020

即使美斯唔加盟，相信尼馬都唔會離開聖日耳門住，佢而家喺球隊感覺良好，與隊友融洽，球隊成績又好，離隊嘅諗法已經不存在了。