{ SKIP }
文:MenClub 波特先生  圖:互聯網
POSTED ON 07 Oct 2020

因為新型肺炎問題,雖然英超成功開鑼但就需要閉門作賽,令一眾球會失去門票收入,財政問題受嚴重打擊,因此需要不斷縮減開支。而阿仙奴近日就決定辭退吉祥物Gunnersaurus,原因係閉門下佢好似無所作為。

今次被炒魷魚嘅係吉祥物Gunnersaurus嘅扮演者Jerry Quy,要知道阿仙奴呢隻吉祥物由1993年誕生,而由第一日開始就係由Quy扮演,一扮就扮左27年,但最終都係慘食無情雞。

阿仙奴方面認為,因為球隊長期閉門作賽,吉祥物無辦法產生炒熱氣氛嘅作用,所以決定Cut走呢個角色。不過對於球隊呢個決定,阿仙奴球迷都相當不滿,認為球隊一點人情味都無。對於球迷嘅指責,阿仙奴則表示吉祥物未來一定會回歸的,但到時究竟仲係咪請番Quy就不得而知了。

其實都知道疫情累人不淺,但球隊吉祥物呢個角色都真係只有一位,呢個決定只顯示出阿仙奴沒有人情味一面,實在令人失望。不過阿仙奴球迷已經做緊野,佢地正進行眾籌希望可以拯救Gunnersaurus。

巴塞班高層後悔未??
sports
【大大力掌摑】蘇亞雷斯加盟馬體會後表現出色,巴塞後悔了? ... ...
20 Oct 2020
竟然會同Puma簽約?!
sports
【狀元大熱?】Puma宣佈簽下「球弟」LaMelo Ball
19 Oct 2020