8月嘅時候同大家報導過，著名美國性學家Dr.Lehmiller早前引述研究，指疫情期間大家性慾降低，當時Dr. Lehmiller就指原因可能係疫情令人壓力增大。但Dr.Lehmiller引述最新公佈研究，發現另一個令大家性欲降低嘅原因——與伴侶嘅摩擦增加。

Dr.Lehmiller引述美國印弟安納州大學嘅一個研究，訪問超過782名年齡介乎18-94歲、正處於某種性或浪漫關係嘅美國人後，發現當中有34%人於疫情期間，曾與伴侶出現「緊張、爭執或困難」情形，而呢34%人同時亦指與伴侶進行親密行為 (攬攬錫錫) 或性行為嘅次數減少，甚至連「自我安慰」嘅次數都減少。特別係伴侶同居嘅話，情況會更加嚴重。