{ SKIP }
文:MenClub 波特先生  圖:互聯網
POSTED ON 19 Oct 2020

湖人相隔10年再一次奪得NBA總冠軍,而呢個亦代表今個疫情下漫長嘅賽季正式完結。賽季完結亦代表新球季將會到來,選秀大會將成為下一個焦點,其中「球弟」LaMelo Ball將會係狀元大熱門之一,而喺加入NBA前呢位話題人物宣佈簽約Puma,成為旗下代言人。

照過去睇,大多數加入NBA嘅超級新人都會被大品牌招攬,好似去年嘅狀元Zion Williamson就簽約Jordan Brand。而作為今年嘅狀元大熱,LaMelo Ball卻宣佈與剛剛回歸籃球鞋市場嘅Puma簽下長約。

LaMelo嘅大哥Lonzo Ball過去以選秀榜眼進入NBA,其天賦正正慢慢展現人前,而作為最細嘅細路,LaMelo卻被評為「球家」三兄弟當中天賦最高的,因此今年將好大機會超越其大哥成為選秀狀元。

今次LaMelo與Puma合作,以「Not from Here」嘅慨念呈現人前,同時表達其「One of one」嘅個人態度,希望突出呢位將於NBA有機會大放異彩嘅超級新人。

而從LaMelo最新拍攝嘅相片中可以睇到,其腳上著起Puma最新嘅籃球鞋RS-Dreamer,非常搶眼,唔知佢會唔會可以協助Puma重新佔據籃球鞋市場呢? 佢老豆會唔會遲下又出黎幫下口呢? 

恭喜Harden成功超越Westbrook!
sports
【估唔到】James Harden成NBA著衫最差No.1!
13 Jun 2021
如果唔係因為肺炎疫情,相信唔少香港人上年就飛咗去東京睇奧運,但最後唔好話睇奧運,大家過去呢一年連飛機都冇得坐,而且睇個勢短期內都應該要繼續困喺香港。另一邊廂,東京奧組委似乎就非常有信心可以搞到奧運,根 ...
sports
【奧運】東京奧運或禁現場觀眾歡呼 暫無計劃強制打疫苗
31 May 2021